Úkimet "5-10-20" jobasyna "Nurly jer" baǵdarlamasy aıasynda 390 mıllıard teńge bólýdi maquldady. 5 paıyz mólsherleme arqyly beriletin nesıeni tek ákimdiktiń úı kezeginde turǵan baspanaǵa muqtaj adamdar ǵana alady, degen jaýap jazdy Indýstrııa jáne ınfraqurylymdyq damý mınıstrliginiń baspasóz qyzmeti Tengrinews.kz tilshisiniń saýalyna.
El prezıdenti Qasym-Jomart Toqaev 11 mamyrda ótken memlekettik komıssııanyń otyrysynda QR Indýstrııa jáne ınfraqurylymdyq damý mınıstrligi halyqty úımen qamtamasyz etý úshin "5-10-20" nesıelik baǵdarlamasyn bastaıtynyn aıtty.
"180 mıllıard teńge ákimdikterge oblıgaııalyq qaryz túrinde kredıttik turǵyn úı qurylysyn qarjylandyrýǵa jáne jalpy qurylys salasyn qoldaýǵa jáne halyqty jumyspen qamtýdy qamtamasyz etýge arnalǵan. Kezekte turǵan adamdar arasynda turǵyn úıge qajettilikti eskere otyryp, óńirlerge bólinetin qarajattyń qosymsha lımıtteri belgilendi", - delingen vedomstvonyń jaýabynda.
Anyqtama:
- Almaty qalasyna 50 mıllıard teńge,
- Nur-Sultan qalasyna 40 mıllıard teńge,
- Shymkent qalasyna 20 mıllıard teńge,
- Túrkistan oblysyna 14 mıllıard teńge
- qalǵan óńirlerge qalǵan 56 mıllıard teńge.
Bul kórsetilgen qarajat tolyq kólemde óńirlerge aýdarylyp, 138 jobany iske asyrý bastaldy.
"5-10-20" arqyly nesıe qurylysy endi aıaqtalyp, paıdalanýǵa berilgen jańa úılerdi alýǵa beriledi
Halyqtyń tólem qabileti suranysyn qoldaý úshin Ulttyq banktiń qalǵan 210 mıllıard teńge bólý (barlyǵy 390 mıllıard teńge), baǵdarlamaǵa qajetti naqtylaý engizý, sondaı-aq potenıaldy satyp alýshylarmen irikteý rásimderi boıynsha máseleler pysyqtalyp jatyr.
Bul qarajatqa ákimdikterdiń kezekte turǵan adamdaryna "5-10-20" pılottyq jobasy boıynsha bastapqy turǵyn úı satyp alý úshin 10 paıyz bastapqy jarnasymen jyldyq 5 paıyzben qaryzdar beriledi.
"Bul qarjyǵa ákimdikterde kezekte turǵan adamdar 10 paıyz alǵashqy jarnasyn salyp, 5 paıyzdyq mólsherlememen qurylysy endi aıaqtalyp, paıdalanýǵa berilgen úıdi ala alady. Iaǵnı, bul joba boıynsha buryn paıdalanýǵa berilgen (vtorıchnoe jıle) úıden satyp ala almaıdy. Nesıeni "Qazaqstannyń Turǵyn úı qurylys jınaq banki beredi". Jyl sońyna deıin osynyń negizinde "Otbasy bankin" qoldaý jáne damytý ınstıtýty qurylady. Bul ınstıtýttyq qurylymdy jańǵyrtý aıasynda iske asyrylady", - dep jazdy IIDM baspasóz qyzmeti.
Nesıe tek ákimdikte úı kezeginde esepke turǵan baspanaǵa muqtaj adamdarǵa beriledi
Sondyqtan úı alǵysy keletin azamattar ákimdiktiń kezeginde bolýy kerek. Tizimde bar azamattar ǵana nesıe alýǵa ótinish bere alady. Ákimdikterdiń sońǵy málimetterine súıensek, 540 myń adam úı alýǵa kezekke tur. Al, bul joba aıasynda tek 18 myń adamǵa úı beriledi.
"Odan ári esepke turý kerek. Turǵyn úıge muqtaj retinde kezekke qoıý ortalyqtandyrylǵan júıe arqyly júrgiziledi. Turǵyn úı alý úshin nesıe - barlyq qarjy qaıtarylýy kerek. Bul mehanızm 18 myńǵa tarta adamdy úımen qamtýǵa múmkindik beredi", - dep jazylǵan mınıstrliktiń jaýabynda.
"5-10-20" boıynsha úıdiń baǵasy qandaı bolmaq
"Turǵyn úı qurylys jınaq banki" basqarma tóraǵasy Lıazzat Ibragımovanyń aıtýynsha, nesıeniń maksımal somasy ár óńirge baılanysty:
Nur-Sultan, Almaty jáne osy qalalardyń shet aýmaqtarynyń turǵyndary úshin 18 mıllıon teńgeden aspaıdy;
Atyraý, Aqtaý, Aqtóbe, Shymkent, Túrkistan jáne Qaraǵandy oblystarynyń turǵyndary úshin 15 mıllıon teńgeden aspaıdy;
Qalǵan óńirler úshin 12 mıllıon teńgeden aspaýy tıis.
Degenmen buǵan deıin qabyldanǵan "7-20-25" jáne "Baqytty otbasy" baǵdarlamalary jumys isteı beredi. Olarǵa qajetti qarjy qarastyrylǵan. Sondaı-aq bul sharalar halyqty úımen qamtyp qoımaı, kásipkerlikti damytyp, 15 myńǵa jýyq jumys ornyn ashýǵa múmkindik beredi.
"Nurly jer" memlekettik baǵdarlamasyna tıisti túzetýler engizip "5-10-20" ıpotekasy jyl sońynda iske qosylady.
