شىمكەنتتە كوروناۆيرۋسقا قارسى سكرينينگ تەكسەرۋ جۇمىستارى قارقىندى جۇرگىزىلۋدە

2523
Adyrna.kz Telegram

بۇگىن اقپاراتتىق-كوممۋنيكاتسيالىق ورتالىعىندا كوروناۆيرۋستىق ينفەكتسيانىڭ الدىن الۋ شارالارى بويىنشا بريفينگ ءوتتى. بريفينگكە شىمكەنت قالاسى اكىمىنىڭ ءبىرىنشى ورىنباسارى ەربول سادىر، شىمكەنت قالالىق تاۋارلار مەن كورسەتىلەتىن قىزمتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ءابدىماناپ تولەباەۆ جانە قالالىق دەنساۋلىق ساقتاۋ باسقارماسى باسشىسىنىڭ ورىنباسارى ايگۇل بەكباۋوۆا قاتىستى.

ءباسپاسوز ءماسليحاتىندا ءمالىم بولعانداي، قالاداعى كاسىپورىنداردا كوروناۆيرۋس ينفەكتسياسىنا قارسى دياگنوستيكالىق تەكسەرۋ جۇمىستارى قارقىندى جۇرگىزىلۋدە. ينفەكتسيا جاعدايىنىڭ ءوسۋى ءىرى كاسىپورىندار مەن ۇيىمداردا بايقالادى. بۇل رەتتە 137 وشاق انىقتالعان، ونىڭ ىشىندە 96-سى پەترو كازاحستان قىزمەتكەرى، 12 قوسالقى قىزمەت كورسەتەتىن مەكەمە قىزمەتكەرلەرلەرى، قارىم قاتىناستا بولعان 29 ادام. زاۋىت اۋماعىندا قىزمەتكەرلەرگە مەديتسينالىق قىزمەتتى "مەديكەر" جشس كورسەتەدى.

2020 جىلعى 18 مامىرداعى جاعداي بويىنشا شىمكەنت قالاسىندا 60 جاڭا زەرتحانالىق راستالعان سOVID - 19 جاعدايى انىقتالدى. ال بۇگىنگى كۇنگە دەيىن قالادا كوروناۆيرۋستىق ينفەكتسيانىڭ 404 جاعدايى تىركەلدى (COVID-19).

ەربول ءابىلحايىرۇلىنىڭ مالىمدەۋىنشە، كوروناۆيرۋسقا قارسى سكرينينگ تەكسەرۋ جۇمىستارى قوعامدىق كولىك قىزمەتى وكىلدەرى اراسىندا دا جۇرگىزىلەدى.

ايتا كەتسەك، بۇگىندە شىمكەنت قالاسىندا 183 پاتسيەنت كوروناۆيرۋستان ساۋىعىپ، ۇيلەرىنە شىعارىلدى. ستاتسيونارلاردا بارلىعى – 216 ادام كوروناۆيرۋستىق ينفەكتسيامەن اۋرۋحانادا جاتىر، ونىڭ ىشىندە 150 ناۋقاستا سيمپتومسىز جاعداي.

سونداي-اق، قاۋىپ توبىنداعى كونتينگەنتكە جوسپارلى تەستىلەۋ جۇرگىزىلەدى، ولارعا مەديتسينالىق قىزمەتكەرلەر جانە COVID-19 جۇقتىرۋ قاۋپى جوعارى قىزمەتكەرلەر، سوزىلمالى اۋرۋلارى بار ديسپانسەرلىك ەسەپتە تۇرعان تۇلعالار جاتادى. 16552 ادامنان تۇراتىن تەستىلەۋگە ارنالعان كونتينگەنت انىقتالدى.

كوروناۆيرۋسقا قارسى كۇرەس جونىندەگى ءىس-شارالارعا قاتىساتىن ورتالىق جانە جەرگىلىكتى مەملەكەتتىك ورگاندار قىزمەتكەرلەرىنىڭ ىشىنەن 2 028 ادام (49,1%) تەستىلەندى، جرۆي جانە پنەۆمونيامەن ەمدەۋگە جاتقىزىلعان ادامداردان 3046 ادام (55,2%), مەديتسينالىق قىزمەتكەرلەر مەن COVID-19 جۇقتىرۋ قاۋپى جوعارى قىزمەتكەرلەر 1 547 ادام (22,4%) تەستىلەندى. تەستىلەۋگە جاتاتىن كونتينگەنتتى قامتۋ - 40%.

قالاداعى ەپيدەميولوگيالىق جاعداي تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ، قالا اكىمدىگىنىڭ جانە شىمكەنت قالاسىنىڭ دەنساۋلىق ساقتاۋ باسقارماسىنىڭ باقىلاۋىندا. ەپيدەمياعا قارسى ۇزدىكسىز ءىس-شارالار جۇرگىزىلۋدە.

شىمكەنت قالاسى

پىكىرلەر