اۋەسقوي بوكستا جەكپە-جەكتى نوكاۋتپەن اياقتايتىن بوكسشىلار كەمدە-كەم، مىنە وسىنداي اۋىر سوققى جاسايتىن بوكسشىلاردىڭ ءبىرى قازاقستاندىق قانات يسلام، - دەپ جازادى Vesti.kz.
2009 جىلى قانات وليمپيادانىڭ قولا جۇلدەگەرى رەتىندە بىشكەكتەگى كەڭەس وداعىنىڭ باتىرى دۋيشەنكۋل شوپوكوۆ قۇرمەتىنە 1974 جىلدان بەرى ءوتىپ كەلە جاتقان ءداستۇرلى تۋرنيرگە قاتىسادى. ول كەزدە بوكسشى جارىستارعا ءالى قىتاي اتىنان قاتىسىپ جۇرگەن كەزى.
وسى ءتۋرنيردىڭ فينالىندا قانات يسلام جەرگىلىكتى باحتيار دجەەنباەۆپەن جەكپە-جەككە شىقتى. الايدا بۇل ايقاس ءبىر-اق ساتتە اياقتالدى. گونگ داۋسى شىعا سالىسىمەن قانات وڭ قولىنىڭ ءبىر سوققىسىمەن دجەەنباەۆتى نوكاۋتقا ءتۇسىرىپ، تۋرنير التىنىن جەڭىپ الدى.
وسىدان كەيىن قىرعىزستاننىڭ بوكس فەدەراتسياسىنىڭ پرەزيدەنتى ابدىباكىت حالمۋرزاەۆ قازاق بوكسشىعا تالانتى ءۇشىن اق قالپاق سىيلاپ، شاپان جاپقان ەدى.
ال ءبىر جىلدان كەيىن قانات يسلام قازاقستانعا كوشىپ كەلدى.
