كونە قىپشاق ءانۇرانى شىرقالدى

381

 

2014 جىلى قازاقستان رەسپۋبليكاسى پارلامەنتىنىڭ شەشىمىمەن 18 مامىر «تۇركى جازۋى كۇنى» بولىپ بەلگىلەندى. بۇل داتانىڭ تاڭدالۋ سەبەبى، ءدال وسى كۇنى ەجەلگى تۇركى سوزدەرى جازىلعان كۇلتەگىننىڭ كوك تاسىنىڭ كوشىرمەسى موڭعوليادان ەلىمىزگە اكەلىنگەن ەدى. قازاقستاننىڭ «تۇركى جازۋى كۇنىن» بەلگىلەۋ تۋرالى ۇسىنىس بىلدىرۋشىلەردىڭ قاتارىندا احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ عالىمدارى دا بولدى.
«كودەكس كۋمانيكۋس» – (كونە قىپشاق ءتىلىنىڭ سوزدىگى) XIV عاسىردىڭ باسىنداعى قۇمان (كونە قىپشاق) ءتىلىنىڭ جازباشا ەسكەرتكىشى. ونى قايتا ورلەۋ ءداۋىرىنىڭ كورنەكتى يتالياندىق اقىنى فرانچەسكو پەتراركا ۆەنەتسياداعى كىتاپحاناعا 1362 جىلى تاپسىرعان. بۇل عاجايىپ ەڭبەكتەگى قىپشاق تىلىندەگى ءانۇراننىڭ نوتاسىن العاش وقىعان احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ باس عىلىمي قىزمەتكەرى، قىپشاقتانۋشى، فيلولوگيا عىلىمدارىنىڭ دوكتورى – الەكساندر گاركاۆەتس. قازاقستان رەسپۋبليكاسى مادەنيەت جانە سپورت مينيسترلىگىنىڭ قولداۋىمەن «كودەكس كۋمانيكۋس» كىتابىنىڭ قايتا قالپىنا كەلتىرۋ جۇمىستارى جۇزەگە اسىرىلعان بولاتىن. عالىم وقىعان «كودەكس كۋمانيكۋس» ەڭبەگىندەگى قىپشاق ءانۇرانىنىڭ نوتاسى قازىرگى نوتامەن وڭدەلىپ، ەڭ العاش رەت قازاقستاندا 2018 جىلدىڭ 2 شىلدەسىندە «استانا وپەرا» تەاترىندا مىڭنان استام مۋزىكانتتار مەن ەرلەر حورىنىڭ ورىنداۋىندا شىرقالدى.

قۋانىش جۇمابەك

احمەت بايتۇرسىنۇلى اتىنداعى ءتىل ءبىلىمى ينستيتۋتىنىڭ عىلىمي قىزمەتكەرى

پىكىرلەر
رەداكتسيا تاڭداۋى