ۇلكەن الماتى كولى، الماراسان، اسسى، ەسىك جەكەمەنشىككە ءوتتى

5693
قازاقستاننىڭ ۇلتتىق تابيعي بايلىعى سانالاتىن “ىلە–الاتاۋ مەملەكەتتىك ۇلتتىق تابيعي پاركىنە” قارايتىن الماراسان، ۇلكەن الماتى كولى، اسسى ءۇستىرتى، ەسىك جانە سولدات شاتقالدارى جانە تاعى باسقا ۇلتتىق پارككە قارايتىن تابيعات بايلىقتارى “كۋلتاۋ ي ك” جشس 49 جىلعا جەكەنمەنشىككە جالعا بەرىلگەن. بۇل تۋرالى “ىلە–الاتاۋ مەملەكەتتىك ۇلتتىق تابيعي پاركىنىڭ” رەسمي سايتىندا جازىلدى.

“ورمان شارۋاشىلىعى جانە جانۋارلار دۇنيەسى كوميتەتى قر ەگجترم  “ىلە–الاتاۋ مەملەكەتتىك ۇلتتىق تابيعي پاركى” رمم 2020 جىلدىڭ 13 ناۋرىزىندا ءوزارا بايلانىستى تۋريستىك وبەكتىلەر كەشەنىن ۇسىناتىن № 1 لوت بويىنشا ەكولوگيالىق ءتۋريزمدى دامىتۋ ماقساتىندا تۋريستىك جانە رەكرەاتسيالىق قىزمەتتى جۇزەگە اسىرۋ ءۇشىن ۇلتتىق پارك ۋچاسكەلەرىن ۇزاق مەرزىمدى پايدالانۋعا بەرۋگە تەندەر وتكىزدى. بۇل اقپارات قىستا ەگەمەن قازاقستان گازەتىنە دە شىققان بولاتىن. (2020 جىلدىڭ 12 اقپانىنداعى № 29 (29758) ەگەمەن قازاقستان ).

تەندەر كوميسسياسىنىڭ شەشىمى بويىنشا №1 لوتتىڭ جەڭىمپازى بولىپ جالعىز قاتىسۋشى «كۋلتاۋ ي ك» جشس جاريالاندى” دەلىنگەن.

ينتەرنەتتە «كۋلتاۋ ي ك» جشس 5 ادامعا دەيىن جۇمىس ىستەيتىن، 2004 جىلى تىركەلگەن كىشىگىرىم ۇيىم دەپ كورسەتىلگەن. ۇيىم باسشىسى – گۋجاۆين الەكساندر ولەگوۆيچ. بۇل ادام سونداي-اق، كوتەرمە ساۋدامەن اينالىساتىن “اس-التىن” جشس-نىڭ دا باسشىسى رەتىندە كورسەتىلگەن.

ال، «كۋلتاۋ ي ك» جشس 49 جىلعا جالعا العان ۇلتتىق پارك تەلىمدەرىندە ەكوتۋريزمدى دامىتپاق كورىنەدى.

ر.S. قۇرامىندا 5-اق ادام ىستەيتىن كىشىگىرىم ۇيىم قالايشا ىلە-الاتاۋى ۇلتتىق تابيعي پاركىنىڭ ەڭ شۇرايلى، كورىكتى جەرلەرىن جالعا الدى؟ قورىقتىڭ فلوراسى مەن فاۋناسىنان ايىرىلىپ قالمايمىز با؟

"ادىرنا" ۇلتتىق پورتالى

پىكىرلەر
رەداكتسيا تاڭداۋى