Qazaqstannyŋ ūlttyq tabiǧi bailyǧy sanalatyn “Ile–Alatau memlekettık ūlttyq tabiǧi parkıne” qaraityn Almarasan, Ülken Almaty kölı, Assy üstırtı, Esık jäne Soldat şatqaldary jäne taǧy basqa ūlttyq parkke qaraityn tabiǧat bailyqtary “KULTAU İ K” JŞS 49 jylǧa jekenmenşıkke jalǧa berılgen. Būl turaly “Ile–Alatau memlekettık ūlttyq tabiǧi parkınıŋ” resmi saitynda jazyldy.
“Orman şaruaşylyǧy jäne januarlar düniesı komitetı QR EGjTRM “Ile–Alatau memlekettık ūlttyq tabiǧi parkı” RMM 2020 jyldyŋ 13 nauryzynda özara bailanysty turistık obektıler keşenın ūsynatyn № 1 lot boiynşa ekologiialyq turizmdı damytu maqsatynda turistık jäne rekreasiialyq qyzmettı jüzege asyru üşın ūlttyq park uchaskelerın ūzaq merzımdı paidalanuǧa beruge tender ötkızdı. Būl aqparat qysta Egemen Qazaqstan gazetıne de şyqqan bolatyn. (2020 jyldyŋ 12 aqpanyndaǧy № 29 (29758) Egemen Qazaqstan ).
Tender komissiiasynyŋ şeşımı boiynşa №1 lottyŋ jeŋımpazy bolyp jalǧyz qatysuşy «KULTAU i K» JŞS jariialandy” delıngen.
İnternette «KULTAU i K» JŞS 5 adamǧa deiın jūmys ısteitın, 2004 jyly tırkelgen kışıgırım ūiym dep körsetılgen. Ūiym basşysy –
Gujavin Aleksandr Olegovich. Būl adam sondai-aq, köterme saudamen ainalysatyn
“AS-ALTYN” JŞS-nyŋ da basşysy retınde körsetılgen.
Al, «KULTAU i K» JŞS 49 jylǧa jalǧa alǧan ūlttyq park telımderınde ekoturizmdı damytpaq körınedı.
R.S. Qūramynda 5-aq adam ısteitın kışıgırım ūiym qalaişa Ile-Alatauy ūlttyq tabiǧi parkınıŋ eŋ şūraily, körıktı jerlerın jalǧa aldy? Qoryqtyŋ florasy men faunasynan aiyrylyp qalmaimyz ba?
"Adyrna" ūlttyq portaly
Basqalarmen bölıse
otyryŋyz
