بيزنەسكە مەملەكەتتىڭ ارالاسۋىن ازايتۋ ورنىنا نەلىكتەن مەملەكەتتىك مەكەمەلەر قۇرىلۋدا؟

530

«اق جول» قدپ فراكتسيا دەپۋتاتارى ءدال وسىنداي ماسەلەمەن قر ۇلتتىق ەكونوميكا ءمينيسترى رۋسلان دالەنوۆكە دەپۋتاتتىق ساۋال جولدادى. "ادىرنا" "اق جول" پارتياسىنىڭ ءباسپاسوز قىزمەتىنە سىلتەمە جاساي وتىرىپ، حاتتىڭ تولىق نۇسقاسىن جاريالايدى.

قازاقستان رەسپۋبليكاسى 

ۇلتتىق ەكونوميكا ءمينيسترى

ر.ە دالەنوۆكە 

قۇرمەتتى  رۋسلان ەربولاتۇلى!

كوروناۆيرۋسقا قاتىستى جاعداي قازاقستاندىق بيزنەستىڭ قىزمەتىنە ايتارلىقتاي اسەر ەتتى. ەل ەكونوميكاسىن قالپىنا كەلتىرۋ ءۇشىن بۇرىن-سوڭدى بولماعان شارالار قابىلدانۋدا. توتەنشە جاعداي جونىندەگى مەملەكەتتىك كوميسسيانىڭ 2020 جىلعى 11 مامىرداعى قورىتىندى ماجىلىسىندە ەل پرەزيدەنتى قازاقستان ەكونوميكاسىنىڭ ءوزىن-ءوزى قامتاماسىز ەتۋ دەڭگەيىن ارتتىرۋ جانە ونىڭ جاڭا قۇرىلىمىن قۇرۋ بويىنشا جاڭا مىندەتتەر قويدى.

ەكونوميكانىڭ جاڭا قۇرىلىمىن قۇرۋ، ەڭ الدىمەن، كاسىپكەرلىكتى جۇزەگە اسىرۋداعى مەملەكەتتىڭ ءرولىن قايتا قاراستىرۋدى تالاپ ەتەدى، ال باستى مىندەت مەملەكەتتىك بيزنەستىڭ شەكاراسىن انىقتاۋ بولۋى كەرەك.

كاسىپكەرلىككە مەملەكەتتىڭ قاتىسۋ ماقساتى بيزنەس ءۇشىن جاڭا تاۋاشالار اشۋعا، شاعىن جانە ورتا بيزنەستى دامىتۋعا، ولارمەن باسەكەلەس بولماۋعا جانە ءوز كاسىپورىندارىنا اقشا تابۋعا كومەكتەسۋى كەرەك.

بۇعان دەيىن كوممۋنالدىق تاريفتەر ەسەبىنەن قىزمەت كورسەتەتىن ەنەرگەتيكالىق كوممۋنالدىق كومپانيالار قىزمەتى تۋرالى دەپۋتاتتىق ساۋال جولدادىق. ءبىز «استاناەنەرگوسەرۆيس» اق جانە «استانا ەنەرگوسبىت كومپانيا» جشس-ءى سىندى استانالىق كاسىپورىنداردىڭ  جويىلۋىنا   قول جەتكىزدىك.  

قالا اكىمدىگىنىڭ  وسى كاسىپورىنداردى  جويۋ تۋرالى شەشىمى  اتالعان دەلدالداردىڭ  كوممۋنالدىق قىزمەت كورسەتۋ كەزىندەگى جۇمىستارى ەكونوميكالىق تۇرعىدا ءتيىمسىز ەكەنى كورسەتتى. مەملەكەتتىك ەنەرگيامەنجابدىقتاۋ ۇيىمدارىنىڭ (ەجۇ) قىزمەتى باسەكە نارىعىندا كاسىپكەرلىك كودەكسپەن ەسكەرىلگەن شەكتەلۋلەردىڭ بۇزىلۋىنا، ەنەرگيامەن جابدىقتايتىن جەكە ۇيىمداردىڭ بانكروتقا ۇشىراۋىنا، مىڭداعان جۇمىسكەرلەردىڭ  جۇمىسسىز قالۋىنا جانە تاريفتىك  باعالاردىڭ وسۋىنە  اكەلىپ سوقتىردى.    

تاعى ءبىر مىسال - «استانا ەرتس» جشس قىزمەتى جايلى. نۇر-سۇلتان قالاسى اكىمدىگىنىڭ 2015 جىلعى 30 ساۋىردەگى قاۋلىسىمەن اتالمىش كاسىپورىنعا كوممۋنالدىق  قىزمەت بويىنشا تولەماقى كۆيتانتسيالارىن تاراتۋ قۇقىعى بەرىلگەن. بۇل كاسىپكەرلىك كودەكسكە  تىكەلەي قايشى  جانە بيزنەس سۋبەكتىلەرىنىڭ بيللينگتىك قىزمەتتەرىن استانالىق نارىققا شىعارۋىنا كەدەرگى بولادى.    

«استانا ەرتس» جشس ءوزىنىڭ مونوپوليالىق جاعدايىن پايدالانا وتىرىپ، اكىمدىك  كوممۋنالدىق كاسىپورىندارىن تولەماقىدان بوساتىپ، كەيبىر زاڭدى تۇلعالاردان نەگىزسىز  اقشا جينادى.

 سونىمەن بىرگە، كومپانيا جارعىسىن بۇزا وتىرىپ، 550 ملن تەڭگە بوس قارجاتتى بانك دەپوزيتتەرىنە سالادى. بۇدان بولەك، مونوپولياعا قارسى ورگان «استانا ەرتس» جشس-ءنىڭ قىزمەتىنە ءارتۇرلى تاريفتىك باعالاردى قولدانۋ سىندى زاڭسىز پايدا تابۋ فاكتىلەرىن انىقتادى. 

وسى  جانە باسقا دا فاكتىلەر  مەملەكەتتىك ورگانداردىڭ ولار قۇرعان باسەكەلەستىك جەكە نارىقتا قىزمەتىن جۇزەگە اسىراتىن، كومپانيالاردىڭ جويىلۋىنا مۇددەلى ەمەستىگىن كورسەتەدى. البەتتە، اڭگىمە وسى كاسىپورىنداردىڭ اقشا اعىنىن باقىلاۋ مەن بولىنەتىن   مەملەكەتتىك سۋبسيديالىق قاراجاتتىڭ  تارالۋىندا بولسا كەرەك. 

جەرگىلىكى اتقارۋشى ورگانداردىڭ  (جاو) قارسىلىعى تۋرالى مىنا فاكتىدەن  كورۋگە بولادى، اكىمدىك تاراتقان «استانا ەنەگوسبىت كومپانيا» جشس-ءنىڭ ورنىنا،  بىردەن، ونىڭ الدىنداعى كومپانيا سياقتى ەلوردادا زاڭدى تۇلعالارىن جوعارى ەنەرگيالىق تاريفتەرمەن  قامتاماسىز ەتۋدى ىسكە اسىراتىن جاڭا «استانا قالالىق جارىق» جشس-ءى كەلدى.

بۇل كەزدە ەلوردا تۇرعىندارىن نەگىزىنەن تومەن تاريفتەرمەن قامتاماسىز ەتەتىن جەكە «استاناەنەرگوسبىت» جشس-ءى جوعارى تاريفتەردى كوتەرۋگە ءماجبۇر، ويتكەنى جوعارى تاريف ۇسىنعان زاڭدى تۇلعالار اكىمدىك كومپانيالارى بولىپ شىقتى، ياعني «استانا ەنەرگياسبىت كومپانياسى» جشس-ءىن تارتاتۋدان ەشتەڭە وزگەرمەدى.

بيزنەستە مەملەكەتتىڭ قاتىسۋىن قىسقارتۋدىڭ ورنىنا ءبىز جاڭا كاسىپورىنداردى، نارىقتى مونوپولياسىزداندىرۋ ورنىنا ءبىز جاڭا مونوپوليستەردى قۇرۋدامىز.  نارىقتىق، ينۆەستيتسيالىق-تارتىمدى ەكونوميكانى قۇرۋدىڭ ورنىنا ءبىز باعانى رەتتەۋمەن اينالىسامىز.

وسىعان بايلانىستى  «اق جول» قدپ  فراكتسياسى:

-كاسىپكەرلىكتە مەملەكەتتىڭ قاتىسۋ ماقساتتارى مەن مىندەتتەرى تۇجىرىمداماسىن ازىرلەۋدى;

- جەكەشەلەندىرىلەتىن  مەملەكەتتىك مەكەمەلەر  مەن ۇيىمدار  ءتىزىمىن كەڭەيتۋدى،  

-نارىقتا جەكە كومپانيالار قىزمەت كورسەتەتىن بارلىق كوممۋنالدىق كاسىپورىنداردىڭ تاراتىلۋىن، نارىق باسكەسىنە ولاردىڭ  مۇلىكتەرى مەن ەڭبەك ۇجىمدارىن بەرۋدى قامتاماسىز ەتۋ قاجەت دەپ سانايدى 

 

 

 

پىكىرلەر
رەداكتسيا تاڭداۋى