تۇركىستان وبلىسىنىڭ پوليتسەيلەرى 4,7 مىڭنان استام ءتۇپ كوكنار تاركىلەدى دەپ حابارلايدى «ادىرنا»ۇلتتىق پورتالى قازاقستان رەسپۋبليكاسىنىڭ ىشكى ىستەر مينيسترلىگىنە سىلتەمە جاساپ .
جەدەل-ىزدەستىرۋ ءىس-شاراسى بارىسىندا كەلەس اۋداندىق پوليتسيا بولىمشەسىنىڭ پوليتسيا قىزمەتكەرلەرى تۇركىستان وبلىسى پد ەسىرتكى قىلمىسىنا قارسى كۇرەس باسقارماسىمەن بىرلەسىپ، زاڭسىز ەسىرتكى ەككەن كۇدىكتىنى قۇرىقتادى. انىقتالعانداي، ەگدە جاستاعى ەر ادام ءوز اۋلاسىندا قۇرامىندا ەسىرتكىسى بار وسىمدىك تۇپتەرىن ءىرى مولشەردە وسىرگەن.
كەلەس اۋدانى تۇرعىنىنىڭ ءۇيىن ءتىنتۋ كەزىندە جەدەل ۋاكىلدەر كوكنار تارىزدەس 4730 ءتۇپ ەسىرتكى وسىمدىگىن تاركىلەدى. ساراپتاماعا سايكەس، قۇرامىندا ەسىرتكى بار كوكنار تۇپتەرىنىڭ جالپى سالماعى 205 كگ-نان استى، ال كەپتىرىلگەن كوكناردىڭ سالماعى 12,5 كگ-عا جۋىقتادى.
اتالعان جايت كەلەس اپب سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 300-بابىنىڭ 2-بولىگى (قۇرامىندا ەسىرتكى زاتتارى بار وسىرۋگە تىيىم سالىنعان وسىمدىكتەردى زاڭسىز ءوسىرۋ) بويىنشا تىركەلدى. كۇدىكتى قاماۋعا الىندى. پوليتسيا قىزمەتكەرلەرى سوتقا دەيىنگى تەرگەۋ امالدارىن جۇرگىزىپ جاتىر.
قازىرگى ۋاقىتتا ءتارتىپ ساقشىلارى كۇدىكتىنىڭ قۇرامىندا ەسىرتكىسى بار وسىمدىكتەردى نە سەبەپپەن ءوسىرىپ، ساقتاعانىن انىقتاپ جاتىر. تۇركىستان وبلىسىنىڭ پوليتسەيلەرى اتالعان باپتىڭ سانكتسيالارى ءۇش جىلدان سەگىز جىلعا دەيىنگى مەرزىمگە باس بوستاندىعىنان ايىرۋدى قاراستىراتىنىن ەسكەرتەدى.
