قازىرگى كەزدە كوروناۆيرۋستىق ينفەكتسيانى جۇقتىرۋ جاعدايلارىنىڭ ءوسۋى جالعاسۋدا جانە وعان قارسى كۇرەس وزەكتى ماسەلەلەردىڭ ءبىرى بولىپ وتىر. سونداي-اق شىمكەنت قالاسىنىڭ اۋماعىندا باسقا دا اسا قاۋىپتى ينفەكتسيالاردىڭ تارالۋ قاۋپى ساقتالۋدا. مەملەكەت باسشىسىنىڭ تاپسىرماسىنا سايكەس قالادا كوروناۆيرۋستىق ينفەكتسيانى تومەندەتۋ بويىنشا شارالاردى كۇشەيتۋ ءۇشىن مودۋلدىك جۇقپالى اۋرۋلار گوسپيتالىنىڭ قۇرىلىسى اياقتالدى.
گوسپيتال قاراتاۋ اۋدانىنىڭ «اقجايىق» شاعىن اۋدانىندا ورنالاسقان. عيمارات 20 توسەكتىك رەانيماتسيا بولىمشەسى بار 200 توسەك-ورىنعا ارنالعان ءبىر قاباتتى، مودۋلدىك ۇلگى بويىنشا سالىندى. باس مەردىگەر - «BI Industrial» جشس.
بۇل گوسپيتال قالالىق جۇقپالى اۋرۋلار اۋرۋحاناسىنىڭ فيليالى بولىپ تابىلادى جانە كوروناۆيرۋستىق ينفەكتسياعا كۇدىكتى بارلىق پاتسيەنتتەردى قابىلدايتىن بولادى.
عيماراتتىڭ جالپى اۋدانى 6353 شارشى شاقىرىم.
ستاتسيوناردا بارلىعى 300-دەن استام بىلىكتى مەديتسينا قىزمەتكەرى مەديتسينالىق كومەك كورسەتەدى.
ينفەكتسيالىق گوسپيتال قاجەتتى زاماناۋي مەديتسينالىق تەحنيكامەن جابدىقتالعان: كومپيۋتەرلىك توموگراف، ساندىق رەنتگەن اپپاراتى، 20 يۆل اپپاراتى بار.
ينفەكتسيالىق گوسپيتال جوباسىنىڭ ەرەكشەلىگى-پاتسيەنتتەرگە بىلىكتى مەديتسينالىق كومەك كورسەتۋ ءۇشىن وپەراتسيالىق بلوك پەن پەرزەنتحانا زالىنىڭ بولۋى.
رەانيماتسيالىق زالدار «open space» قاعيداتى بويىنشا اشىلعان، بۇل مەديتسينالىق پەرسونالعا پاتسيەنتتەردىڭ جاعدايىن باقىلاۋعا جەڭىلدەتەدى. گوسپيتالدە بارلىعى 160 جۇقپالى توسەك، 20 بوكستالعان پالاتا، 20 رەانيماتسيالىق توسەك بار.
ستاتسيوناردى جوبالاۋ كەزىندە عيماراتتىڭ ىشىندە ەپيدەميولوگيالىق رەجيمدى ساقتاۋعا كوپ كوڭىل ءبولىندى.
شىمكەنت
