تاجىكستان استاناسى دۋشانبە قالاسىنىڭ ميليتسياسى 10 ماۋسىمدا ء"جاسوسپىرىم" اۋقىمدى وپەراتسياسىن وتكىزدى. قۇقىق قورعاۋشىلار كوشەدە مەديتسينالىق ماسكاسىز جۇرگەن جاستاردى توقتاتتى.
ولاردى ميليتسيا ۋچاسكەسىنە اپارمادى، بىراق ەپيدەميا كەزىندە ماسكاسىز كوشەگە شىعۋعا بولمايتىنىن تۇسىندىرگەن. ايتا كەتەرلىك جايت، تاجىكستاندا كوروناۆيرۋسقا بايلانىستى كارانتين جاريالانبادى، سول سەبەپتى ميليتسيا تۇرعىنداردىڭ سەرۋەندەۋىنە تىيىم سالا المايدى.
تاجىكستان ىشكى ىستەر مينيسترلىگىنىڭ حابارلاۋىنشا، ماسكاسىز جاستاردى ۇستاۋ وپەراتسياسى كۇندە جۇرگىزىلەدى. ءبىر كۇننىڭ ىشىندە ميليتسيا توقسانعا جۋىق ءجاسوسپىرىمدى توقتاتقان، سەگىزىن ارنايى مەكەمەگە جەتكىزگەن.
ميليتسيا كوشەگە سەبەپسىز شىققان جاسوسپىرىمدەردى عانا ۇستايدى.
ميليتسيا 15 ماۋسىمنان باستاپ اۋرۋدان قورعانىس قۇرالدارىن پايدالانباعان تاجىكستاندىقتارعا ايىپپۇل سالا الادى. ايىپپۇل كولەمى - 28 دوللار.
centralasian.org
