قر تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى اسقار جۇماعاليەۆ حالىققا ەسەپ بەرۋ كەزدەسۋىندە egov.kz پورتالىنان QR-كود ارقىلى الۋعا بولاتىن مەملەكەتتىك قىزمەتتەردىڭ ءتىزىمىن جاريالادى دەپ حابارلايدى «ادىرنا» ۇلتتىق پورتالى قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىپ مينيسترلىگىنە سىلتەمە جاساپ.
ءمينيستردىڭ ايتۋىنشا، QR-كود ارقىلى الۋعا بولاتىن قىزمەتتەردى وسى ايدا ۇسىنۋ ءۇشىن تەحنيك ماماندار جۇمىس ىستەۋدە. QR-كود ارقىلى الۋعا بولاتىن العاشقى مەملەكەتتىك قىزمەتتەر:
- نەكەنى تىركەۋ
- بالانىڭ تۋىن تىركەۋ
- بالاباقشا كەزەگىنە قويۋ
- زاڭدى تۇلعانى تىركەۋ
- سالىق ەسەبىن قابىلداۋ (250 فورما)
«بۇل قىزمەتتەردى كومپيۋتەر ارقىلى الۋ بارىسىندا ەتسق-عا قول قويۋ كەزىندە QR-كودتى سكانەرلەپ، قىزمەتتى eGovMobile قوسىمشاسى ارقىلى الۋعا سۇراۋ جىبەرۋگە بولادى. ول ءۇشىن كومپيۋتەرىڭىزگە ەتسق-نى پايدالانۋ ءۇشىن قوسىمشا باعدارلاما ورناتۋدىڭ قاجەتى جوق»، - دەپ اتاپ ءوتتى اسقار جۇماعاليەۆ.
وسىلايشا، ازامات eGov.kz پورتالىنان قىزمەتتەردى الۋ بارىسىندا «QR-code ارقىلى قول قويۋ» فۋنكتسياسىن تاڭداي الادى. سودان سوڭ eGovMobile قوسىمشاسىن پايدالانىپ، مونيتوردا پايدا بولعان كودتى سكانەرلەيدى.
وسى ايدىڭ سوڭىندا كەيبىر قىزمەتتەردى QR-كود ارقىلى الۋ مۇمكىندىگى ىسكە اسىرىلادى. الداعى ۋاقىتتا QR-كودتىڭ كومەگىمەن الۋعا بولاتىن قىزمەتتەردىڭ قاتارى كوبەيەدى.
«eGovmobile» قوسىمشاسى AppStore جانە PlayMarket پلاتفورمالارىندا بار. سونداي-اق، اتالعان ءموبيلدى قوسىمشادا سۇرانىسقا كوپ يە قىزمەتتەر مەن سەرۆيستەردىڭ 60 ءتۇرى قولجەتىمدى. ازاماتتىڭ جەكە كۋالىگى سەكىلدى «تسيفرلىق قۇجاتتارى» دا ەنگىزىلگەن. ءموبيلدى قوسىمشانى تولىققاندى پايدالانۋ ءۇشىن ەتسق-نىڭ بولۋى شارت جانە موبيلدىك ازاماتتار بازاسىندا تىركەلۋىڭىز كەرەك.
ەتسق-نى قاشىقتان الۋ جانە ءموبيلدى ازاماتتار بازاسىندا تىركەلۋ ءۇشىن https://egov.kz/cms/ru/services/pass_onlineecp سىلتەمەسىنە ءوتىڭىز.
باسقالارمەن بولىسە
وتىرىڭىز
