قازىرگى ۋاقىتتا وبلىس ورتالىعىن دارىلەۋ جۇمىستارى ەكى اۋىسىمدا ۇزدىكسىز اتقارىلۋدا، دەپ حابارلايدى اتىراۋ وبلىسىنىڭ كوممۋنيكاتسيالار قىزمەتى.
⠀
اتىراۋ قالاسىنىڭ كليماتتىق جاعدايىنىڭ ەرەكشەلىكتەرىن ەسكەرە وتىرىپ، زيانكەستەرگە قارسى كۇرەس بيىل ءساۋىر ايىنىڭ باسىندا باستالعان ەدى. Cودان بەرى دەزينسەكتسيالىق جۇمىستار اشىق سۋ ايدىندارىندا جۇرگىزىلدى.
⠀
- جالپى قالاداعى دەزينسەكتسيالىق جۇمىستارعا التى بريگادا جۇمىلدىرىلعان. ولاردىڭ ەكەۋى تاڭعى ساعات توعىزدان كەشكى ساعات التىعا دەيىن جۇمىس ىستەيدى.
بەلگىلەنگەن بريگادالار كوپ قاباتتى ۇيلەردىڭ جەرتولە كىرەبەرىستەرىندە زيانكەستەرمەن كۇرەسەدى. قالعان ءتورت بريگادا كەشكى سەگىزدەن تۇنگى ساعات ەكىگە دەيىن قالا كوشەلەرىندە، اشىق سۋ قويمالارىندا، ساياباقتاردا، مادەنيەت جانە دەمالىس ورىندارىندا، سونداي - اق قالا ماڭىنداعى اۋىلدىق وكرۋگتەردە تازالاۋ جۇمىستارىن جۇرگىزەدى ،- دەپ اتاپ ءوتتى ەتنومولوگ مامان ايناگۇل داۋلەتياروۆا.
⠀
بۇگىنگە دەيىن 1188 كوپقاباتتى تۇرعىن ءۇيدىڭ جەر تولەلەرى مەن كىرە بەرىستەرىنە دارىلەۋ جۇمىستارى جۇرگىزىلگەن. مۇنداعى پيك قىزمەت ەتپەيتىن ۇيلەرگە دەزينسەكتسيا جۇمىستارى سەنبى-جەكسەنبى كۇندەرى جۇرگىزىلەدى. ال، پيك قىزمەت ەتەتىن تۇرعىن ۇيلەرگە ۋلاۋ جۇمىستارى ايىنا ءبىر رەت جاسالادى. سونىمەن قاتار، ماماندار الەۋمەتتىك جەلىلەردە ارنايى چاتتار اشقان. وسىنداي توپتاردىڭ كومەگىمەن تۇرعىنداردى جۇمىس بارىسىن تەكسەرۋگە شاقىرادى.
⠀
- ءبىزدىڭ جۇمىسىمىزدى قالالىق اكىمدىك پەن تقش-دان بولەك، تۇرعىندار دا باقىلاۋدا ۇستايدى. ەگەر، تۇرعىندار تاراپىنان ۋلاۋ جۇمىستارىنا قانداي دا ءبىر كوڭىل تولماۋشىلىق بولاتىن بولسا، Telegram-چاتقا جازۋىنا، جۇمىس بارىسىن تەكسەرۋىنە مۇمكىندىگى بار، - دەيدى ايناگۇل داۋلەتياروۆا.
اتىراۋ وبلىسى
