Qazırgı uaqytta oblys ortalyǧyn därıleu jūmystary ekı auysymda üzdıksız atqaryluda, dep habarlaidy Atyrau oblysynyŋ kommunikasiialar qyzmetı.
⠀
Atyrau qalasynyŋ klimattyq jaǧdaiynyŋ erekşelıkterın eskere otyryp, ziiankesterge qarsy küres biyl säuır aiynyŋ basynda bastalǧan edı. Codan berı dezinseksiialyq jūmystar aşyq su aidyndarynda jürgızıldı.
⠀
- Jalpy qaladaǧy dezinseksiialyq jūmystarǧa alty brigada jūmyldyrylǧan. Olardyŋ ekeuı taŋǧy saǧat toǧyzdan keşkı saǧat altyǧa deiın jūmys ısteidı.
Belgılengen brigadalar köp qabatty üilerdıŋ jertöle kıreberısterınde ziiankestermen küresedı. Qalǧan tört brigada keşkı segızden tüngı saǧat ekıge deiın qala köşelerınde, aşyq su qoimalarynda, saiabaqtarda, mädeniet jäne demalys oryndarynda, sondai - aq qala maŋyndaǧy auyldyq okrugterde tazalau jūmystaryn jürgızedı ,- dep atap öttı etnomolog maman Ainagül Däuletiarova.
⠀
Bügınge deiın 1188 köpqabatty tūrǧyn üidıŋ jer tölelerı men kıre berısterıne därıleu jūmystary jürgızılgen. Mūndaǧy PİK qyzmet etpeitın üilerge dezinseksiia jūmystary senbı-jeksenbı künderı jürgızıledı. Al, PİK qyzmet etetın tūrǧyn üilerge ulau jūmystary aiyna bır ret jasalady. Sonymen qatar, mamandar äleumettık jelılerde arnaiy chattar aşqan. Osyndai toptardyŋ kömegımen tūrǧyndardy jūmys barysyn tekseruge şaqyrady.
⠀
- Bızdıŋ jūmysymyzdy qalalyq äkımdık pen TQŞ-dan bölek, tūrǧyndar da baqylauda ūstaidy. Eger, tūrǧyndar tarapynan ulau jūmystaryna qandai da bır köŋıl tolmauşylyq bolatyn bolsa, Telegram-chatqa jazuyna, jūmys barysyn tekseruıne mümkındıgı bar, - deidı Ainagül Dauletiarova.
Atyrau oblysy
