Atyrau oblysynyŋ äkımı Serık Näpkenov Qūlsary tūrǧyndarymen kezdesıp, olardyŋ ūsynys-talaptaryn tyŋdap, su tasqynynan zardap şekkenderge keltırılgen zalaldy öteu tärtıbın tüsındırdı. Būl turaly Tötenşe jaǧdailar jönındegı jedel ştab mälımdedı, dep habarlaidy “Adyrna” ūlttyq portaly.
Oblys äkımı apatty tūrǧyn üidı öteu turaly ūsynystardy tyŋdap, mülkı apatty dep tanylǧan zardap şekkenderge ötemaqy naryq qūny boiynşa tölenetının, Qūlsary qalasy boiynşa zardap şekkenderdıŋ arnaiy nysanaly şottaryna şamamen 200-240 myŋ teŋge tölenetının habarlady.
Atyrau oblysy äkımınıŋ aituynşa, su tasqyny kezınde zardap şekken Qūlsary qalasynyŋ tūrǧyndary aqşalai ötemaqylardy nysanaly maqsaty boiynşa - jaŋa tūrǧyn üi satyp aluǧa, tūrǧyn üi saluǧa nemese jöndeu-qalpyna keltıru jūmystaryna jūmsauǧa tiıs.
«Qazır bırınşı kezekte su tasqynynan zardap şekkender baǧalau qorytyndysymen jäne mülıktı tehnikalyq saraptau qorytyndylarymen tanysyp, aqşalai qarajatty töleuge öz kelısımın beruı tiıs. Tölem ekı apta ışınde jürgızıledı», - dedı Serık Şäpkenov jinalǧandarǧa.
16 mamyr künı Jylyoi audanynda 3613 otbasy 100 AEK mölşerınde bırjolǧy tölem aldy. Tölengen qarajattyŋ jalpy somasy – 1 mlrd 387 mln teŋge.
Sonymen qatar, keltırılgen materialdyq zalal üşın ötemaqy töleu üşın qūjattar daiyndalady. Jyljymaityn mülıkke tehnikalyq tekseru jäne baǧalau jürgızılude. Qazır barlyǧy 2950 ötınış qabyldanyp, 2697 ötınış qarauǧa jıberıldı, 2624 üige baǧalau jäne 2671 üige tehnikalyq tekseru jürgızıldı. 756 apatty üi anyqtaldy. 15 mamyrdan bastap alty mobildı top Qūlsarynyŋ 100-den astam tūrǧynynyŋ üilerıne baryp, su tasqynynan zardap şekken tūrǧyndardyŋ mülkıne keltırılgen zalaldy baǧalau jäne tehnikalyq saraptama qorytyndylary boiynşa tüsındıru jūmystaryn jürgızdı.
15 mamyrda Qūlsarynda jyljymaityn mülıktı baǧalau jäne tehnikalyq saraptau qorytyndylaryn jariialau boiynşa mobildı toptardyŋ jūmysy bastaldy. Jylyoi audanynyŋ 100-den astam tūrǧyny baǧalau paraqtaryn aldy. Ekı kün ışınde olar aqşalai ötemaqy aluǧa ötınış jaza alady. Barlyq üiler boiynşa baǧalau jūmystaryn 10 kün ışınde aiaqtau josparlandy.
