Ferroqorytpa zauytyndaǧy jazataiym oqiǧany tergeu Qaraǧandy oblysy basşylyǧynyŋ tūraqty baqylauymen jürıp jatyr. Būl turaly bügın, 22 şıldede jauapty organdar apparattyq keŋes kezınde jaǧdaidy baiandady, dep habarlaidy ”Adyrna” ūlttyq portaly.
“Özderıŋız bıletındei, ferroqorytpa zauytynda ştattan tys jaǧdai bolyp. Ökınışke qarai, 8 qyzmetker zardap şektı. Qazır barlyǧyna tolyq kölemde qajettı medisinalyq kömek körsetılude. Men zardap şekkenderdıŋ tuystarymen jeke kezdestım, därıgerlermen de söilestım. Medisina qyzmetkerlerı qoldan kelgennıŋ bärın jasap jatyr”, – dedı oblys äkımı Ermaǧanbet Bölekpaev.
Densaulyq saqtau basqarmasynyŋ basşysy Bibıgül Tölegenovanyŋ aituynşa, zardap şekken bes adamnyŋ jaǧdaiy öte auyr, üşeuınıŋ jaǧdaiy auyr jaǧdaida. Şokqa qarsy barlyq keşendı terapiia jürgızılude.
YDD Corporation ferroqorytpa zauytynda bolǧan oqiǧa faktısı boiynşa QR QK 156-babynyŋ 2-bölıgı boiynşa “Abaisyzda densaulyqqa auyr ziian keltıruge äkep soqqan eŋbektı qorǧau erejelerın būzu” babyna sai qylmystyq ıs qozǧaldy.
Eŋbek zaŋnamasy şeŋberınde bolǧan jaǧdaidyŋ sebepterı men
män-jailaryn tekseru üşın arnaiy komissiia qūryldy.
“Komissiia qūramyna barlyq uäkılettı memlekettık organdardyŋ ökılderı kırdı. Jūmystar bırınşı künnen bastalyp kettı. Är ökıl öz baǧytyn pysyqtap jatyr. Bastapqyda oqiǧa bolǧan jer tekserıldı, jazataiym oqiǧanyŋ kuägerlerıne saualnama jürgızıldı. Endı tehnikalyq qūjattamamen tanysu jürgızılude. Bız kün saiyn jūmys ıstep jatyrmyz”, – dedı eŋbek inspeksiiasy basqarmasynyŋ basşysy Mūrat Qaraqekılov.
Tergeu qorytyndysy boiynşa qorytyndy jasalady.
”Būl jūmysty sızder barlyq jauapty memlekettık organdarmen, sonyŋ ışınde qūqyq qorǧau organdarymen tyǧyz yntymaqtastyqta jürgızulerıŋız kerek. Tübegeilı jäne obektivtı türde!” – dep atap öttı Ermaǧanbet Bölekpaev.
Eske sala keteiık, 20 şıldede Qaraǧandydaǧy Ydd Corporation kompaniiasynyŋ ferroqorytpa zauytynda tötenşe jaǧdai oryn aldy. Taŋǧy 4:10 şamasynda jalynnyŋ şyǧuy saldarynan 8 adam zardap şektı.
Olardyŋ bärı Maqajanov atyndaǧy köpsalaly auruhanaǧa jetkızıldı. Densaulyq saqtau basqarmasynyŋ mälımetınşe, qyzmetkerlerdıŋ barlyǧy küiık jaraqatyn alǧan.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz