14 jeltoqsanǧa qaraǧan tünı Atyrau oblysynda siklon jürıp, aua raiy kürt naşarlap kettı. Oblys äkımınıŋ töraǧalyǧymen barlyq qyzmetterdıŋ jūmysyn üilestıru boiynşa jedel ştab qūryldy, dep habarlaidy "Adyrna".
"Jergılıktı atqaruşy organdar men audandardyŋ qyzmetterı küşeitılgen jūmys rejimıne köştı, öŋırdegı ahualǧa täulık boiy monitoring jürgızılude", - dep habarlady Atyrau oblysynyŋ äkımdıgı.
Aua raiynyŋ kürt naşarlauyna bailanysty jol qauıpsızdıgın qamtamasyz etu maqsatynda 2025 jyly 14 jeltoqsanda jük jäne qoǧamdyq kölıkterdıŋ qozǧalysyna uaqytşa şekteu engızıldı.
Qazırgı uaqytta kelesı respublikalyq maŋyzy bar avtojol uchaskelerı jabyq:
- Atyrau – Oral tas joly;
- Atyrau – Aqtöbe tas joly;
- Atyrau – Dossor – Beineu baǧytyndaǧy avtojol.
"Būl şekteu boran, qatty jel jäne joldyŋ köktaiǧaq boluy saldarynan kölık qozǧalysy üşın qauıptı jaǧdailardyŋ tuyndauyna bailanysty qabyldandy. Osyǧan orai, Atyrau oblysynyŋ polisiia departamentı jürgızuşıler men jol qozǧalysyna qatysuşylardy alys jolǧa şyqpauǧa, jol qozǧalysy erejelerın qataŋ saqtauǧa, sondai-aq aua raiy jaqsarǧanǧa deiın uaqytşa şekteulerge tüsınıstıkpen qarauǧa şaqyrady", delıngen polisiia habarlamasynda.
Qatty jel saldaryn joiu üşın "Alatau Jaryq" JŞS-nyŋ apatty jäne qaita qalpyna keltıru boiynşa 25 brigadasy jūmys ısteude. "Atyrau-Jaryq" JŞS baspasöz qyzmetınıŋ habarlauynşa, Bereke yqşam audany, Qara özen audany, Bereke auylynyŋ saiajai aimaǧy, sondai-aq qala maŋyndaǧy Almaly auylynyŋ jekelegen köşelerı jaryqsyz qaldy. Būǧan jeldıŋ qatty ekpınıne bailanysty elektr symdarynyŋ üzıluı türtkı boldy.
