Keshe Kaztalov aýdany ákimi Aslanbek Sarqulov N° 2 Kaztalov aýdandyq aýrýhanasynda bolyp, sý tasqynynyń aldyn alý kezinde jaraqat alǵan qutqarýshymen kezdesti. Aýdan basshysy qutqarýshyǵa el basyna kún týǵan kezdegi eńbegi úshin rızashylyǵyn bildirdi.
–Qazir aýdanymyz qıyn jaǵdaıda tur. Joǵarydan kelgen sý kólemi ábigerge salyp otyr. Biz jergilikti atqarýshy bılik tarapynan qoldan kelgen sharalardyń bárin qabyldap, jumystanýdamyz. Sý tasqynynyń aldyn alý sharalary kezinde bolǵan oqys oqıǵadan habardarmyn. El basyna kún týǵan shaqta qyzmettik boryshyńyzdy atqarý barysynda jasalǵan qylmystyq áreket eshbir aqtaýǵa kelmeıdi jáne zań aıasynda tıisti sharalar qabyldanýy kerek. Sizge sý tasqynynyń aldyn alý kezindegi eńbegińiz úshin, halyqpen birge bolǵanynyz úshin alǵysymdy bildiremin. Tez saýyǵyp, qatarǵa qosylýyńyzǵa tilekshimin, - dedi aýdan ákimi Aslanbek Ahmetollauly.
Oqys okıǵadan zardap shekken Batyrbek Qapsıqov aýdan ákimine alǵysyn aıtyp, halyqqa abyroıly qyzmet etýge daıyn ekenin jetkizdi.
Batyrbek Batyrǵalıuly 17-shi órt sóndirý bóliminde bólimshe komandıri qyzmetin atqarady. Azamattyq qorgaý serjanty. Ol 31 naýryz saǵat 17.00 shamasynda N° 2 aýdandyq aýrýhanaǵa «keýde kletkasynyń artqy bóliginiń enbegen pyshaqtalǵan jaraqat» (nojevoe nepronıkaıýee ranenıe zadneı poverhnostı grýdnoı kletkı) dıagnozymen tústi.
Qazirgi tańda jaǵdaıy birqalypty, dárigerler baqylaýynda.
