كەشە كازتالوۆ اۋدانى اكىمى اسلانبەك سارقۇلوۆ N° 2 كازتالوۆ اۋداندىق اۋرۋحاناسىندا بولىپ، سۋ تاسقىنىنىڭ الدىن الۋ كەزىندە جاراقات العان قۇتقارۋشىمەن كەزدەستى. اۋدان باسشىسى قۇتقارۋشىعا ەل باسىنا كۇن تۋعان كەزدەگى ەڭبەگى ءۇشىن ريزاشىلىعىن ءبىلدىردى.
–قازىر اۋدانىمىز قيىن جاعدايدا تۇر. جوعارىدان كەلگەن سۋ كولەمى ابىگەرگە سالىپ وتىر. ءبىز جەرگىلىكتى اتقارۋشى بيلىك تاراپىنان قولدان كەلگەن شارالاردىڭ ءبارىن قابىلداپ، جۇمىستانۋدامىز. سۋ تاسقىنىنىڭ الدىن الۋ شارالارى كەزىندە بولعان وقىس وقيعادان حاباردارمىن. ەل باسىنا كۇن تۋعان شاقتا قىزمەتتىك بورىشىڭىزدى اتقارۋ بارىسىندا جاسالعان قىلمىستىق ارەكەت ەشبىر اقتاۋعا كەلمەيدى جانە زاڭ اياسىندا ءتيىستى شارالار قابىلدانۋى كەرەك. سىزگە سۋ تاسقىنىنىڭ الدىن الۋ كەزىندەگى ەڭبەگىڭىز ءۇشىن، حالىقپەن بىرگە بولعانىنىز ءۇشىن العىسىمدى بىلدىرەمىن. تەز ساۋىعىپ، قاتارعا قوسىلۋىڭىزعا تىلەكشىمىن، - دەدى اۋدان اكىمى اسلانبەك احمەتوللاۇلى.
وقىس وكيعادان زارداپ شەككەن باتىربەك قاپسيقوۆ اۋدان اكىمىنە العىسىن ايتىپ، حالىققا ابىرويلى قىزمەت ەتۋگە دايىن ەكەنىن جەتكىزدى.
باتىربەك باتىرعاليۇلى 17-ءشى ءورت ءسوندىرۋ بولىمىندە بولىمشە كومانديرى قىزمەتىن اتقارادى. ازاماتتىق قورگاۋ سەرجانتى. ول 31 ناۋرىز ساعات 17.00 شاماسىندا N° 2 اۋداندىق اۋرۋحاناعا «كەۋدە كلەتكاسىنىڭ ارتقى بولىگىنىڭ ەنبەگەن پىشاقتالعان جاراقات» (نوجەۆوە نەپرونيكايۋششەە رانەنيە زادنەي پوۆەرحنوستي گرۋدنوي كلەتكي) دياگنوزىمەن ءتۇستى.
قازىرگى تاڭدا جاعدايى بىرقالىپتى، دارىگەرلەر باقىلاۋىندا.
