شىمكەنتتەگى تەمىر جول ۆوكزالىندا كوروناۆيرۋسقا قارسى ءتارتىپ كۇشەيگەن. الەۋمەتتىك ارا قاشىقتىق، بەتپەردە رەجيمى، ۆاگوندار اراسىندا جولاۋشىلاردىڭ ءجۇرىپ-تۇرۋى تالاپقا ساي جۇرگىزىلۋدە.
ال، جولاۋشىلاردىڭ دەنە تەمپەراتۋراسى عيماراتتىڭ ىشىنە كىرەبەرىستە اۆتوماتتى تۇردە انىقتالىپ، كۇزەتشىلەرگە مونيتور ارقىلى بەلگى بەرەدى. اۋا باپتاعىش قۇرىلعىلار ارقىلى ديزەنفەكتسيالىق جۇمىستار جۇرگىزىلەدى.
- تۇرعىنداردىڭ قاۋىپسىزدىگى ءۇشىن عيمارات تازالىعىنا 10 قىزمەتكەر جۇمىلدىرىلعان. كۇنىنە 4 مەزگىل ديزەنفەكتسيا جاسالادى. جازعى دەمالىس ماۋسىمى باستالعالى پويىز جول قىزمەتىنە جۇگىنگەن جولاۋشىلار قاتارى ارتقان. تۇرعىندار تەك تاسىمالداۋ توقتاماسا بولدى، ءتارتىپتى ساقتاۋعا دايىنبىز، - دەيدى شىمكەنت تەمىر جول ۆوكزالىنىڭ باسشىسى ەرعالي مىرزاحمەت.
ەسكە سالا كەتەيىك، ەلىمىزدە جولاۋشىلار پويىزى ءبىرىنشى ماۋسىمنان جۇرە باستادى. شويىن جول تاسىمالىن ىسكە قوسۋ ءۇش كەزەڭنەن تۇرادى. بيلەتتەر 15 مامىردان ساتىلا باستاعان. وسى ۋاقىتقا دەيىن شىمكەنت تەمىر جول ۆوكزالىنان 7000-عا جۋىق بيلەت ساتىلعان.
شىمكەنت
