قازاقستاندا وتكەن تاۋلىكتە، ياعني 14.06.2020 جىلعى مالىمەت بويىنشا 313 ادام كوروناۆيرۋس ىندەتىمەن اۋىرعانى بەلگىلى بولدى. بۇل تۋرالى www.coronavirus2020.kz سايتى حابارلايدى. جالپى ەل بويىنشا اۋىرعاندار سانى – 14 مىڭ 809.
وتكەن تاۋلىك ىشىندە ەلىمىزدىڭ 313 ازاماتىنان كوروناۆيرۋس ينفەكتسياسى تابىلعان بولسا، ونىڭ 26-سى - شىمكەنت قالاسىنىڭ تۇرعىنى.
قازىرگى ناۋقاستاردىڭ جاعدايى قاناعاتتانارلىق. بەكىتىلگەن حاتتاماعا سايكەس ءتيىستى ەم جۇرگىزىلۋدە. ناۋقاستارمەن قارىم-قاتىناستا بولعان ادامدار انىقتالىپ، بارلىعى مەديتسينالىق باقىلاۋعا الىنۋدا. اۋرۋ وشاقتارىندا ەپيدزەرتتەۋ جۇمىستارى، دەزينفەكتسيالىق جۇمىستار جۇرگىزىلۋدە.
ايتا كەتەيىك، شىمكەنت قالاسىنداعى COVID-19" ينفەكتسياسىن جۇقتىرعاندار سانى بۇگىندە 1159-عا جەتسە، جازىلىپ شىققاندار سانى - 478. وكىنىشكە قاراي ىندەتتەن 11 ادام قايتىس بولدى.
وسىعان بايلانىستى، مەديتسينا ماماندارى قالا تۇرعىندارىنا قاتەرلى ىندەتتىڭ ءالى دە قاۋىپ ءتوندىرىپ تۇرعانىن ەسكەرتەدى. ساقتىق شارالارىنا سالعىرت قاراماي، ادامدار كوپ شوعىرلاناتىن ورىنداردان اۋلاق بولۋىن، قوعامدىق كولىكتەردە، دۇكەندەر مەن قوعامدىق تاعامدانۋ ورىندارىندا بەتپەردە كيىپ جۇرۋگە شاقىرادى.
شىمكەنت
