رەسەي ەكىنشى دۇنيەجۇزىلىك سوعىس تۋرالى تاريحي شىندىقتى فاكتىلەرگە سۇيەنە وتىرىپ ۇستانادى، دەدى رەسەي پرەزيدەنتى ۆلاديمير پۋتين امەريكاندىق National Interest جۋرنالىنا ارنالعان ماقالاسىندا.
«تاريح ساباقتارىن ەلەمەۋ ءسوزسىز قاتال ەسەپكە الىپ كەلەدى. ءبىز قۇجاتتالعان تاريحي فاكتىلەرگە نەگىزدەلگەن شىندىقتى قاتاڭ ۇستاناتىن بولامىز. ەكىنشى دۇنيەجۇزىلىك سوعىستىڭ وقيعالارىنا ادال ءارى بەيتاراپ بولا بەرەمىز»، - دەدى پۋتين.
كسرو ءناتسيزمدى جەڭۋگە اسكەري ۇلەستىڭ تورتتەن ءۇش بولىگىن جاسادى، دەدى رەسەي باسشىسى.
ول سونىمەن بىرگە رەسەيدەگى سوعىستىڭ تاريحي جادىن ساقتاۋعا ارنالعان اۋقىمدى تاريحي-مۇراعاتتىق جوبالار تۋرالى ايتتى.
سونداي-اق سول كەزدەگى يمپەريانى بيلەگەن ستالينگە قاتىستى ءوز پىكىرىن دە ايتىپ ءوتتى.
"يوسيف ستالينگە قاتىستى بىرقاتار شاعىمدار ادىلەتتى، ونىڭ ىشىندە قۋعىن-سۇرگىن، بىراق ول كسرو گەرمانيامەن جالعىز قالعىسى كەلەتىنىن، ۋاقىت ساتىپ العىسى كەلەتىنىن كوردى", دەپ جازدى رەسەي پرەزيدەنتى.
«ستالين مەن ونىڭ قاسىنداعىلار شىن مانىندە كوپتەگەن نەگىزدەلگەن ايىپتاۋلارعا لايىق. ءبىز رەجيمنىڭ ءوز حالقىنا قارسى جاساعان قىلمىستارى مەن جاپپاي قۋعىن-سۇرگىننىڭ قاسىرەتىن ەسىمىزدە ساقتايمىز. باسقاشا ايتقاندا، كەڭەس باسشىلارىن كىنالاۋعا بولاتىن كوپتەگەن جايتتار بار »، - دەپ جازدى رف پرەزيدەنتى.
"ادىرنا" ۇلتتىق پورتالى
