اقپارات جانە قوعامدىق دامۋ ءمينيسترى ەلىمىزدە ەكى تەلەارنا اشىلاتىنىن مالىمدەدى.
«قازىرگى ۋاقىتتا «Abai Tv» جانە «ءال-فارابي» سىندى ەكى جاڭا تەلەارنانى اشۋ بويىنشا جۇمىستار جۇرگىزىلىپ جاتىر. «Abai Tv» تەلەارناسى ەرتەڭنەن باستاپ اشىلادى. ول 30 ماۋسىمدا «قازاقستان» ترك تەلەوتباسىنىڭ قۇرامىنا قوسىلادى. «ءال-فارابي» تەلەارناسى. «حابار» اگەنتتىگىنىڭ قۇرامىنا قوسىلادى. بۇل تەلەارنا وقۋ جىلىنىڭ باسىندا اشىلادى. ول ءبىلىم بەرۋگە ارنالعان جاڭا تەلەۆيزيالىق پلاتفورما بولماق. ونىڭ اۋديتورياسى 6-18 جاس ارالىعىنداعى بالالار مەن جاسوسپىرىمدەر بولادى. مۇنداي تەلەارنانىڭ قاجەتتىلىگى اسىرەسە پاندەميا كەزىندە تۋىندادى - دەدى قر اقپارات جانە قوعامدىق دامۋ ءمينيسترى ايدا بالاەۆا حالىققا ەسەپ بەرۋ كەزدەسۋىندە.
"ادىرنا" ۇلتتىق پورتالى
