بۇگىن وتاندىق پرەمەر-ليگا ويىندارى جالعاسادى

802

بۇگىن فۋتبولدان قازاقستان چەمپيوناتى قايتا جالعاسادى. پاندەمياعا بايلانىستى ۋاقىتشا توقتاتىلعان ويىندار كورەرمەنسىز وتەدى. ايتا كەتەيىك، ءۇزىلىس كەزىندە "ەرتىس" فۋتبول كلۋبى قارجى تاپشىلىعىنا بايلانىستى ەل بىرىنشىلىگىنە قاتىسۋدان باس تارتقان بولاتىن.

نۇر-سۇلتاننىڭ "استانا" فۋتبول كلۋبى قارسىلاسى جوق بولعاندىقتان بۇل تۋردا وينامايدى.

قازاقستان پرەمەر-ليگاسىنىڭ 3-تۋر ويىندارى بەس قالادا وتەدى.

18:00-دە "قايرات"(الماتى) –  "جەتىسۋ" (تالدىقورعان), "توبىل" (قوستاناي) – "كاسپي" (اقتاۋ), "قىزىل-جار سك" (پەتروپاۆل) – "وقجەتپەس" (كوكشەتاۋ)  كوماندالارى وينايدى.

20:00-دە "ورداباسى" (شىمكەنت) – "شاحتەر" (قاراعاندى), "قايسار" (قىزىلوردا) – "تاراز" (تاراز) كوماندالارى كەزدەسەدى.

ەكى تۋردان كەيىن "استانا" 7 ۇپايمەن ءبىرىنشى، "قايرات" پەن "قايسار" 6 ۇپايدان ەنشىلەپ، ەكىنشى جانە ءۇشىنشى ورىندا كەلە جاتىر. "وقجەتپەس", "ورداباسى", "استانا" جانە "قايرات" كوماندالارى 3 ويىننان وتكىزگەن.

ەلىمىزدە فۋتبول ماۋسىمى قايتا جالعاسىپ جاتقان كەزدە ۇلتتىق قۇراما كوماندالارىنىڭ وقۋ-جاتتىعۋ جيىندارى توقتاتىلدى. ۇلتتىق وليمپيادالىق كوميتەت جانىنداعى جەدەل شتاب وسىنداي شەشىم قابىلداپ وتىر.

وتكەن ايدا ەل نامىسىن قورعايتىن سپورتشىلار كەشەندى ازىرلىككە كىرىسىپ،  ەلىمىزدىڭ تۇكپىر-تۇكپىرىندە 26 وقۋ-جاتتىعۋ جيىنى ۇيىمداستىرىلعان. سپورتتىق نىساندار سانيتارلىق تالاپتى قاتاڭ ساقتاعان.

"ادىرنا" ۇلتتىق پورتالى

  

 

پىكىرلەر
رەداكتسيا تاڭداۋى