Bügın futboldan Qazaqstan chempionaty qaita jalǧasady. Pandemiiaǧa bailanysty uaqytşa toqtatylǧan oiyndar körermensız ötedı. Aita keteiık, üzılıs kezınde "Ertıs" futbol kluby qarjy tapşylyǧyna bailanysty el bırınşılıgıne qatysudan bas tartqan bolatyn.
Nūr-Sūltannyŋ "Astana" futbol kluby qarsylasy joq bolǧandyqtan būl turda oinamaidy.
Qazaqstan premer-ligasynyŋ 3-tur oiyndary bes qalada ötedı.
18:00-de "Qairat"(Almaty) – "Jetısu" (Taldyqorǧan), "Tobyl" (Qostanai) – "Kaspii" (Aqtau), "Qyzyl-Jar SK" (Petropavl) – "Oqjetpes" (Kökşetau) komandalary oinaidy.
20:00-de "Ordabasy" (Şymkent) – "Şahter" (Qaraǧandy), "Qaisar" (Qyzylorda) – "Taraz" (Taraz) komandalary kezdesedı.
Ekı turdan keiın "Astana" 7 ūpaimen bırınşı, "Qairat" pen "Qaisar" 6 ūpaidan enşılep, ekınşı jäne üşınşı orynda kele jatyr. "Oqjetpes", "Ordabasy", "Astana" jäne "Qairat" komandalary 3 oiynnan ötkızgen.
Elımızde futbol mausymy qaita jalǧasyp jatqan kezde ūlttyq qūrama komandalarynyŋ oqu-jattyǧu jiyndary toqtatyldy. Ūlttyq Olimpiadalyq komitet janyndaǧy jedel ştab osyndai şeşım qabyldap otyr.
Ötken aida el namysyn qorǧaityn sportşylar keşendı äzırlıkke kırısıp, elımızdıŋ tükpır-tükpırınde 26 oqu-jattyǧu jiyny ūiymdastyrylǧan. Sporttyq nysandar sanitarlyq talapty qataŋ saqtaǧan.
"Adyrna" ūlttyq portaly
