قازاقستاننىڭ ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ سۋ شارۋاشىلىعى قىزمەتكەرلەرىن كاسىبي مەرەكەلەرىمەن قۇتتىقتادى.
"سۋ شارۋاشىلىعى قىزمەتكەرلەرىن كاسىبي مەرەكەلەرىمەن قۇتتىقتايمىن! بۇل سالادا ءوزىنىڭ ءبىلىمى مەن تاجىريبەسىن، كاسىبىنە دەگەن قۇرمەتتى ۇرپاقتان ۇرپاققا جەتكىزىپ كەلە جاتقان وتباسىلىق ەڭبەك اۋلەتى كوپتەپ تابىلادى. سالا ارداگەرلەرى مەن ماماندارعا ادال ەڭبەكتەرى ءۇشىن ريزاشىلىق بىلدىرگىم كەلەدى", - دەپ جازدى م. مىرزاعاليەۆ ءوزىنىڭ Twitter-دەگى پاراقشاسىندا.
"مەملەكەت سۋ شارۋاشىلىعىن دامىتۋعا باسا نازار اۋدارادى. پرەزيدەنتتىڭ تاپسىرماسى بويىنشا مەملەكەتتىك باعدارلاما ازىرلەنىپ، ماڭىزدى مىندەتتەر ىسكە اسىرىلۋدا.
بارشا سالا قىزمەتكەرلەرىنە زور دەنساۋلىق، شاڭىراقتارىنا بەرەكە، جۇمىستارىنا تابىس تىلەيمىن! قازاقستاندىقتاردى سۋدى ۇنەمدەۋگە شاقىرامىن!", - دەدى مينيستر.
"ادىرنا" ۇلتتىق پورتالى
