اباي اۋدانى اۋماعىنداعى كوپقاباتتى تۇرعىن ۇيلەردە قاتتى تۇرمىستىق قالدىقتار تاستالاتىن 112 كونتەينەر الاڭشاسى بار. وسى الاڭشالارعا 485 كونتەينەر قويىلعان.
اعىمداعى جىلى توزىعى جەتكەن قوقىس كونتەينەرلەرىن اۋىستىرۋ ماقساتىندا قالالىق بيۋدجەتتەن قارجى ءبولىنىپ، 19 ملن 500 مىڭ تەڭگەگە 150 دانا كونتەينەر ساتىپ الىندى. مەردىگەر مەكەمە - «ستاتۋس كبو بيۋلدينگ» جشس.
اباي اۋدانى اكىمىنىڭ مىندەتىن اتقارۋشى ە.زانكوەۆ جاڭادان الىنعان 150 دانا كونتەينەردىڭ ساپاسىن تەكسەرىپ، قابىلداۋ بويىنشا ءتيىستى شارالار جۇرگىزۋدى تاپسىردى. قازىرگى كەزدە توزىعى جەتكەن كونتەينەرلەردى اۋىستىرۋ جۇمىستارى جۇرگىزىلۋدە. اۋداندا قاتتى تۇرمىستىق قالدىقتاردى شىعارۋمەن "سپەتساۆتوترانسپورت" جشس-ءى اينالىسادى.
ايتا كەتسەك، مەردىگەر مەكەمە كوپقاباتتى تۇرعىن ۇيلەردىڭ اۋلاسىنداعى قوقىس كونتەينەرلەرىن كۇنىنە 2 رەت، جەكە تۇرعىن ۇيلەردى اپتاسىنا 1 رەت تازالاپ، الىپ وتىرادى.
شىمكەنت
