قازاقستان مۇسىلماندارى ءدىني باسقارماسىنىڭ ماماندارى "ادىرنا" تىلشىسىنە قۇربان ايت مەرەكەسىنە بايلانىستى Qurban2020.kz سايتىنىڭ جۇمىسىن ءتۇسىندىرىپ بەردى.
1. Qurban2020.kz سايتىنا كومپيۋتەر ارقىلى نەمەسە ۇيالى تەلەفونىڭىز ارقىلى كىرەسىز.
سايتتىڭ وڭ جاعىنداعى «قۇرباندىق ەتىن الۋ ءۇشىن ءوتىنىش قالدىرۋ (مۇقتاج جاندار ءۇشىن)» دەگەن باتىرماسىن باسىپ كىرەسىز.
ودان كەيىن، اشىلعان تەرەزەدەگى كورسەتىلۋى كەرەك بولعان مالىمەتتەردى تولىق جازىپ شىعاسىز.
1. ءوزىڭىزدىڭ ءوڭىردى نەمەسە قالانى ناقتى تاڭداڭىز. ەگەر ءسىزدىڭ مەكەن-جايىڭىز وبلىسقا قاراسا، مىندەتتى تۇردە وبلىس تاڭدالۋى قاجەت. ءوڭىردى تاڭداعان سوڭ، «كەلەسى» باتىرماسىن باساسىز.
2. جسن (ين) نومەرىڭىزدى قاتەسىز جازىڭىز.
اتى-ءجونىڭىز، ۇيالى تەلەفونىڭىز، ەتتى اپارعان كەزدە باراتىن ناقتى مەكەن-جايىڭىزدى كورسەتىڭىز. سەبەبى، سول مەكەن-جايعا زەكەت قورى قىزمەتكەرلەرى ەتتى اپارىپ بەرەتىن بولادى.
الەۋمەتتىك جاعدايىڭىزدى كورسەتەسىز. ول ءۇشىن «الەۋمەتتىك جاعدايى» - دەگەن جازۋدىڭ استىنداعى «تاڭداڭىز» باتىرماسىن باسىپ، ءوز جاعدايىڭىزعا سايكەس كەلەتىن ءبولىمىن بەلگىلەيسىز. ماسەلەن، «كوپ بالالى وتباسى» نەمەسە «مۇمكىندىگى شەكتەۋلى» دەگەن سياقتى...
ەسكەرتۋ: قاي ءبولىمدى بەلگىلەسەڭىز دە ونىڭ قۇجات تۇرىندەگى دالەلىن جىبەرۋىڭىز مىندەتتى. ەگەر جازىلعان بولىمدەردىڭ ەشبىرى ءسىزدىڭ جاعدايىڭىزعا سايكەس كەلمەسە، «باسقا» دەگەن باتىرمانى باسساڭىز، سونىڭ استىندا بوس ۇياشىق شىعادى، سول جەرگە ءوزىڭىزدىڭ جاعدايىڭىزدى جازاسىز.
3. كورسەتىلگەن ءبولىمدى تاڭداعان سوڭ، اۆتوماتتى تۇردە «قۇجاتتىڭ فوتوسىن جۇكتەۋ» دەگەن جازبانى جانە استىندا قۇجاتتىڭ ەلەكتروندىق نۇسقاسىن جىبەرۋگە ارنالعان باتىرمانى كورەسىز. سول ارقىلى كومپيۋتەرىڭىزدەگى نەمەسە ۇيالى تەلەفونىڭىزداعى الدىن-الا ازىرلەپ قويعان قۇجاتتارىڭىزدىڭ سۋرەتىن جولدايسىز.
4. ءبارىن تولىق تولتىرىپ شىققان سوڭ، قاتەلىك كەتىپ قالماس ءۇشىن تاعى ءبىر مارتە تەكسەرىپ شىعىڭىز دا، ەڭ استىڭعى «يا نە روبوت» (مەن روبوت ەمەس) دەگەن تۇسقا بەلگى سوعاسىز.
5. «جىبەرۋ» باتىرماسىن باسىپ، سايتقا ءوتىنىشتى جىبەرەسىز.
ءسىز جوعارىدا ايتىلعان نۇسقاۋلاردى ورىنداڭىز. ءارى قارايعى شارۋانى ءبىز اتقارامىز. سىزگە جازىلعان ءنومىر ارقىلى ءوزىمىز حابارلاسىپ، قۇرباندىقتى جەتكىزەمىز.
گۇلۆيرا اسقار،
"ادىرنا" ۇلتتىق پورتالى
