Muqtaj jandar Qurban2020.kz portaly arqyly qalaı ótinish bere alady?

574

Qazaqstan Musylmandary Dinı basqarmasynyń mamandary "Adyrna" tilshisine  Qurban aıt merekesine baılanysty Qurban2020.kz  saıtynyń jumysyn túsindirip berdi.

1. Qurban2020.kz saıtyna kompıýter arqyly nemese uıaly telefonyńyz arqyly kiresiz.
Saıttyń oń jaǵyndaǵy «Qurbandyq etin alý úshin ótinish qaldyrý (muqtaj jandar úshin)» degen batyrmasyn basyp kiresiz.
Odan keıin, ashylǵan terezedegi kórsetilýi kerek bolǵan málimetterdi tolyq jazyp shyǵasyz.
1. Ózińizdiń óńirdi nemese qalany naqty tańdańyz. Eger sizdiń meken-jaıyńyz oblysqa qarasa, mindetti túrde oblys tańdalýy qajet. Óńirdi tańdaǵan soń, «Kelesi» batyrmasyn basasyz.
2. JSN (IIN) nomerińizdi qatesiz jazyńyz.
Aty-jónińiz, uıaly telefonyńyz, etti aparǵan kezde baratyn naqty meken-jaıyńyzdy kórsetińiz. Sebebi, sol meken-jaıǵa Zeket qory qyzmetkerleri etti aparyp beretin bolady.
Áleýmettik jaǵdaıyńyzdy kórsetesiz. Ol úshin «Áleýmettik jaǵdaıy» - degen jazýdyń astyndaǵy «Tańdańyz» batyrmasyn basyp, óz jaǵdaıyńyzǵa sáıkes keletin bólimin belgileısiz. Máselen, «Kóp balaly otbasy» nemese «Múmkindigi shekteýli» degen sııaqty...
ESKERTÝ: qaı bólimdi belgileseńiz de onyń qujat túrindegi dálelin jiberýińiz mindetti. Eger jazylǵan bólimderdiń eshbiri sizdiń jaǵdaıyńyzǵa sáıkes kelmese, «Basqa» degen batyrmany bassańyz, sonyń astynda bos uıashyq shyǵady, sol jerge ózińizdiń jaǵdaıyńyzdy jazasyz.

3. Kórsetilgen bólimdi tańdaǵan soń, avtomatty túrde «Qujattyń fotosyn júkteý» degen jazbany jáne astynda qujattyń elektrondyq nusqasyn jiberýge arnalǵan batyrmany kóresiz. Sol arqyly kompıýterińizdegi nemese uıaly telefonyńyzdaǵy aldyn-ala ázirlep qoıǵan qujattaryńyzdyń sýretin joldaısyz.

4. Bárin tolyq toltyryp shyqqan soń, qatelik ketip qalmas úshin taǵy bir márte tekserip shyǵyńyz da, eń astyńǵy «Ia ne robot» (Men robot emes) degen tusqa belgi soǵasyz.

5. «Jiberý» batyrmasyn basyp, saıtqa ótinishti jiberesiz.

Siz joǵaryda aıtylǵan nusqaýlardy oryndańyz. Ári qaraıǵy sharýany biz atqaramyz. Sizge  jazylǵan nómir arqyly ózimiz habarlasyp, qurbandyqty jetkizemiz.

Gúlvıra Asqar,

"Adyrna" ulttyq portaly

Pikirler
Redakııa tańdaýy