Qazaqstan Mūsylmandary Dıni basqarmasynyŋ mamandary "Adyrna" tılşısıne Qūrban ait merekesıne bailanysty Qurban2020.kz saitynyŋ jūmysyn tüsındırıp berdı.
1. Qurban2020.kz saityna kompiuter arqyly nemese ūialy telefonyŋyz arqyly kıresız.
Saittyŋ oŋ jaǧyndaǧy «Qūrbandyq etın alu üşın ötınış qaldyru (mūqtaj jandar üşın)» degen batyrmasyn basyp kıresız.
Odan keiın, aşylǧan terezedegı körsetıluı kerek bolǧan mälımetterdı tolyq jazyp şyǧasyz.
1. Özıŋızdıŋ öŋırdı nemese qalany naqty taŋdaŋyz. Eger sızdıŋ meken-jaiyŋyz oblysqa qarasa, mındettı türde oblys taŋdaluy qajet. Öŋırdı taŋdaǧan soŋ, «Kelesı» batyrmasyn basasyz.
2. JSN (İİN) nomerıŋızdı qatesız jazyŋyz.
Aty-jönıŋız, ūialy telefonyŋyz, ettı aparǧan kezde baratyn naqty meken-jaiyŋyzdy körsetıŋız. Sebebı, sol meken-jaiǧa Zeket qory qyzmetkerlerı ettı aparyp beretın bolady.
Äleumettık jaǧdaiyŋyzdy körsetesız. Ol üşın «Äleumettık jaǧdaiy» - degen jazudyŋ astyndaǧy «Taŋdaŋyz» batyrmasyn basyp, öz jaǧdaiyŋyzǧa säikes keletın bölımın belgıleisız. Mäselen, «Köp balaly otbasy» nemese «Mümkındıgı şekteulı» degen siiaqty...
ESKERTU: qai bölımdı belgıleseŋız de onyŋ qūjat türındegı dälelın jıberuıŋız mındettı. Eger jazylǧan bölımderdıŋ eşbırı sızdıŋ jaǧdaiyŋyzǧa säikes kelmese, «Basqa» degen batyrmany bassaŋyz, sonyŋ astynda bos ūiaşyq şyǧady, sol jerge özıŋızdıŋ jaǧdaiyŋyzdy jazasyz.
3. Körsetılgen bölımdı taŋdaǧan soŋ, avtomatty türde «Qūjattyŋ fotosyn jükteu» degen jazbany jäne astynda qūjattyŋ elektrondyq nūsqasyn jıberuge arnalǧan batyrmany köresız. Sol arqyly kompiuterıŋızdegı nemese ūialy telefonyŋyzdaǧy aldyn-ala äzırlep qoiǧan qūjattaryŋyzdyŋ suretın joldaisyz.
4. Bärın tolyq toltyryp şyqqan soŋ, qatelık ketıp qalmas üşın taǧy bır märte tekserıp şyǧyŋyz da, eŋ astyŋǧy «Iа ne robot» (Men robot emes) degen tūsqa belgı soǧasyz.
5. «Jıberu» batyrmasyn basyp, saitqa ötınıştı jıberesız.
Sız joǧaryda aitylǧan nūsqaulardy oryndaŋyz. Ärı qaraiǧy şaruany bız atqaramyz. Sızge jazylǧan nömır arqyly özımız habarlasyp, qūrbandyqty jetkızemız.
Gülvira Asqar,
"Adyrna" ūlttyq portaly
Ūqsas jaŋalyqtar
