شىلدە ايىنىڭ العاشقى اپتاسى قازاقستاندىقتار ءۇشىن وتە اۋىر باستالعان ەدى. وسىعان دەيىن «كوروناۆيرۋس جوق» دەگەن كەيبىرەۋلەر كۇتپەگەن جەردەن كۇركىلدەپ جوتەلىپ، دەنە قىزۋى كوتەرىلىپ، قالشىلداپ اۋىرا باستادى. اينالاسى ءبىر ايدىڭ ىشىندە قارالى حابار قارشا بورادى. ءاربىرىمىزدىڭ جاقىن تانىسىمىز، تۋىسىمىز وسى تۇسىنىكسىز دەرتتەن باقيلىققا اتتاندى. اسىرەسە، جاسى الپىستان اسقانداردىڭ اجال قۇشقانى وتە كوپ. وسى كەزدە الەۋمەتتىك جەلىلەردە «ەندى بالالار اۋىرادى ەكەن» دەگەن اقپارات تارادى.
ارينە، بۇل اقپارات راستالمادى. دەگەنمەن، قازاقستاندىقتار قازىر ءاربىر فەيك اقپاردىڭ استارىنا ءۇڭىلۋدى ادەتكە اينالدىرعان. سەبەبى، الدەبىر وقيعانىڭ الدىندا وسىلاي ءبىر «فەيك اقپار» تاراپ باستايدى دا، سوڭىنان سول راسقا اينالاتىن جايتتار ءجيى قايتالانۋدا. ەستەرىڭىزدە بولسا، بيىلعى شىلدە ايىنا دەيىن دە «وكپە قابىنۋى دەرتىنەن ادامدار قىرىلادى» دەگەن حابار تاراپ ەدى. كوپ وتپەي، حالىقتىڭ ءبىراز بولىگى اۋا جەتپەي، تىنىسى تارىلاتىن تۇسىنىكسىز دەرتكە شالدىقتى. سودان بولسا كەرەك، قازىر ءاربىر حابارعا ءجىتى ءمان بەرىلەتىن بولدى. «ەندى جاستار مەن بالالار اراسىندا ىندەت ءورشيدى ەكەن» دەگەن دابىلدى حابار تاراعالى كوپ وتپەگەن. سوڭعى اپتالاردا بالالار اراسىندا «تۇسىنىكسىز اۋرۋ» باس كوتەردى. جانە بۇل دەرتتىڭ كوروناۆيرۋسپەن بايلانىسى بولۋى مۇمكىن بە دەگەن سۇراق ءبارىمىزدى الاڭداتا باستادى.
«كورشى-قولاڭ اراسىندا 4 بالا اۋىرىپ جاتىر ەكەن. بەلگىسى بىردەي: قۇسا بەرەدى دەيدى. ۋلانعان دەپ تۇسپالداعان. ءبىر كورشىمىزدىڭ 4 جاسار ۇلى اۋرۋحاناعا تۇسسە دارىگەرلەر بەزسيمپتومنىيعا كەلەدى دەپتى. قاتەلەسسە ەكەن. قۇدالىققا ەرتىپ اپارعان ەكەن، كەلگەن سوڭ اۋىرىپتى. بۇل بالە بالالارعا جولامايدى دەگەنى قايدا؟! اباي بولىڭىزدار! كارانتين الىنعانىمەن قاتەر قالدى!» دەپ جازادى بەلگىلى جۋرناليست سەرىك ابىكەن ءوزىنىڭ فەيسبۋك پاراقشاسىندا. وسى جازبانىڭ استىنا پىكىر قالدىرعان كەيبىر ازاماتتار ءدال وسىنداي بەلگىمەن اۋىرعان بالا تۋرالى ءوزى كۋا بولعان جايتتاردى ايتادى.
ارداك بەگەتانوۆا: «دەزينفەكتسيا ەمەس، اۋاعا اۋرۋ تۋدىراتىن نəرسە سەپكەن عوي وندا. بالالار امان بولسا ەكەن،ەمدەۋ ءتəسىلىن بىلمەدىك دەپ وتىرماسىن»، دەپ الاڭداۋشىلىعىن ءبىلدىرىپتى. بالجيگيت تورىباەۆ: «بالالاردا سولاي ەكەن سيمپتومى. ءبىز باسىندا تۇركياعا كەلگەندە بالالار سولاي اۋىردى. كەيىن تۇسىندىك، كوروناۆيرۋس ەكەنىن. ولاردىڭ ورگانيزمدەرىنىڭ رەاكتسياسى جاقسى بولعان سوڭ، بۇكىل باسقا ۆيرۋستاردى دەنە قابىلداماعان سوڭ، سولاي قۇسىپ رەاكتسيا بەرەدى»،-دەيدى.
ءالىبي بەكايدار: «ءبىزدىڭ كىشكەنتاي ءسۇيتىپ ءبىر اۋىرىپ الدى. تاڭدا قايتا-قايتا قۇسىپ. كەشكە جاقسى بولدى بىراق. بىزدىڭ ەكى كىشكەنتاي ەكى كەشتىڭ اراسىندا اياق استىنان قاتتى قۇسىپ، ءبىر جاستاعىمىز بىردەن سۇلق ءتۇستى. ءتۇن جارىمدا بالالار اۋرۋحاناسىنا اپارعاندا دارىگەرلەر ۋلانعان دەپ دياگنوز قويدى. اسقازانىن شايىپ، سيستەما الىپ ۇيگە كەلگەن سوڭ ءىش ءوتۋ باستالدى. ۋچاسكەلىك پەدياتر ەنتەروۆيرۋس دەدى. اللاعا شۇكىر، ءبىر اپتادا جازىلدى. بىراق سالماق قوسپادىق ءالى... سول ازعاننان».
Mاريام ابساتتار: «ءبىزدىڭ اۋىلدا دا ءۇش بالا ءسويتتى: ءبىرىنشى ءىنىمنىڭ بالاسى اياق استىنان سۇلق ءتۇسىپ، قۇستى، سوسىن ارتىنان مەنىڭ قىزىم، ءۇشىنشى ءىنىمنىڭ ۇلكەن قىزى. بىراق ايتەۋىر بىرەر كۇندە باستارىن كوتەردى. ءبىز ونى قاربىزدان كوردىك. الايدا ۇشەۋى ءبىر كۇندە ەمەس، اراعا ءبىر-ءبىر كۇننەن سالىپ اۋىرعان سوڭ، ءبىرتۇرلى كۇدىك تۋدى. مەن "فەرتال" بەردىم، الدىندا ءبىر اۋىرعاندا، دارىگەر جازىپ بەرگەن قىزىما».
تۇرسىن قاليموۆا: «قاتەلەسەسىزدەر. بالالاردا كاۆاساكي بولىپ تىركەلىپ جاتىر. ساق بولىڭىزدار!!! نۇر-سۇلتان قالاسىندا جەتى بالا وسى اۋرۋمەن اۋىرىپ جاتىر. سوندىقتان وتە ساق بولۋ قاجەت. بالالاردى كۇن كوزىنەن ساقتاڭىزدار!
سارا دجامەنكەەۆا: «اپكەمنىڭ نەمەرەسىدە قۇسىپ تالىپ قالىپ اۋىرحاناعا تۇسكەن، كەشكە پنەۆمانيا دەپتى ءبىر جاستا ۇيدە ۇلكەندەۋ ەكۋىدە قۇسىپ دارىگەرلەر وسىنداي ۆيرۋس ءجۇرىپ جاتىر دەگەن، ۇيدەگىلەرى جاقسى بولىپ قالدى كىشىسى اۋىرحانادا».
Mukhyat Janymkhan: «قىتايلاردىڭ ايتۋىنشا ەندى بالالارعا جۇعادى ەكەن. ءۋرۋمجى قالاسىندا بالالار اۋىرىپ جاتىر ەكەن. ساق بولايىق».
فەيسبۋكتە جازىلعان پىكىرلەرگە قاراساق، بالالاردىڭ اۋرۋ بەلگىسى ءبىر بىرىنە وتە ۇقساس. ءدال وسىنداي بەلگىمەن بالاسى اۋىرعان تاعى بىرنەشە ازاماتپەن تىلدەسىپ كوز جەتكىزگەنىمىز، راسىمەن دە بالالار اراسىندا قۇسۋ، دەنە قىزۋى كوتەرىلۋى سياقتى بەلگىمەن اۋىرىپ، قايتا تۇرعاندار از ەمەس ەكەن. بۇل قانداي دەرت؟ الدە «كەلەدى دەپ كۇتكەن» كوروناۆيرۋس وسى ما؟ وزدەرى جانىن ارەڭ ساقتاپ قالعان اتا انالار ەندى باۋىرىنداعى بالاسى اۋىرسا، قايتپەك؟
«بارىنە دايىنبىز» دەپ ءسوز جۇزىندە ۇرانداتقان دەنساۋلىق ساقتاۋ مينيسترلىگى مەن ۇكىمەت ەڭ بولماسا، وسى جولى دارىحاناداعى دارىلەردىڭ جەتكىلىكتى بولۋىن ءجىتى نازاردا ۇستايدى دەپ سەنەمىز. شىلدە ايىنداعى ءدارىنىڭ تاپشىلىعىن قولدان جاساۋ قويىلىمى بۇل جولى وتپەيدى. ويتكەنى، اۋىرعان بالاسىن امان ساقتاۋ ءۇشىن كەز كەلگەن اتا-انا وتىرعان ورنىڭنان توڭكەرىپ تاستايتىنى ءسوزسىز. سوندىقتان تسوي مىرزا سويقاندارعا ۇلاسۋى مۇمكىن كەز كەلگەن جاعدايدىڭ الدىن الادى جانە بالالار اراسىندا تاراپ باستاعان «تۇسىنىكسىز اۋرۋعا» قاتىستى رەسمي تۇسىنىك بەرەدى دەگەن ۇمىتتەمىز.
مەرۋەرت حۋساينوۆا،
«ادىرنا» ۇلتتىق پورتالى.
