مەدەۋ اۋدانىنىڭ جاستار رەسۋرستىق ورتالىعى اباي اتىنداعى قازاق ۇلتتىق پەداگوگيكالىق ۋنيۆەرسيتەتىمەن بىرىگە وتىرىپ «ابايدىڭ دانالىق ويلارىنداعى قۇندىلىقتاردىڭ جاستارعا بەرەرى» تاقىرىبىندا ونلاين سەمينار وتكىزدى.
قازاقتىڭ ءبىرتۋار اقىنى اباي قۇنانبايۇلىنىڭ رۋحاني ءىلىم ءبىلىمى، ءتالىم-تاربيە قۇندىلىقتارى ەلىمىزدىڭ وسكەلەڭ ۇرپاقتارى مەن ستۋدەنت جاستاردىڭ زاماناۋي كوزقاراستارىنىڭ دامۋىنا وراسان زور مۇمكىندىكتەر بەرەرى ءسوزسىز. سەميناردا قازۇپۋ-ءنىڭ جاس عالىمدار كەڭەسىنىڭ مۇشەلەرى PhD دوكتورانت، جازۋشى – دراماتۋرگ، سىنشى بايبول الىبەك جانە PhD دوكتورانت، تاريحشى سەيتقازيەۆ رۋسلان اقىننىڭ ولەڭدەرى مەن ەڭبەكتەرىندەگى ءتالىم-تاربيەلى ءپالساپالارىنا جاڭا قىرلارىنا تەرەڭدەپ وي قوزعادى.
سونىمەن قاتار، پسيحولوگيا سالاسىنان «كەمشىلىكتەرىڭىزدى جەڭۋگە تىرىسىڭىز» ونلاين سەمينار وتكىزىلدى. ءىس-شارانى پسيحولوگ مىرزاباي سەيىلبەك جۇرگىزدى. جاستار اراسىندا كەمشىلىكتىڭ الدىن الۋ جولىندا پروفيلاكتيكالىق شارالاردى، نەگىزگى قاعيدالارى جونىندە اڭگىمە ءوربىدى.
اتاپ وتەتىن جايت، بۇنداي شارالار مەدەۋ اۋدانىنىڭ جاستار رەسۋرستىق ورتالىعىندا جاستاردىڭ سۇرانىستارى بويىنشا تۇراقتى تۇردە وتكىزىلىپ تۇرادى.
«الداعى ۋاقىتى اۋقىمى كەڭ ءىس-شارالار وتكىزۋ جوسپارلانۋدا. قالامىزدىڭ جاستارىن ەلىمىزدىڭ قوعامدىق ومىرىندە بەلسەندى بولۋعا شاقىرامىز جانە ورتالىعىمىزدىڭ ەسىگى جاستار ءۇشىن ءاردايىم اشىق ەكەنىن جەتكىزگىمىز كەلەدى»، دەيدى ۇيىمداستىرۋشىلار.
گۇلۆيرا اسقار
"ادىرنا" ۇلتتىق پورتالى
