Almatyda Abaıdy dáripteýge arnalǵan onlaın semınar ótti

4184
Adyrna.kz Telegram

Medeý aýdanynyń Jastar resýrstyq ortalyǵy Abaı atyndaǵy Qazaq Ulttyq pedagogıkalyq ýnıversıtetimen birige otyryp «Abaıdyń danalyq oılaryndaǵy qundylyqtardyń jastarǵa bereri» taqyrybynda onlaın semınar ótkizdi.

Qazaqtyń birtýar aqyny Abaı Qunanbaıulynyń rýhanı ilim bilimi, tálim-tárbıe qundylyqtary elimizdiń óskeleń urpaqtary men stýdent jastardyń zamanaýı kózqarastarynyń damýyna orasan zor múmkindikter bereri sózsiz. Semınarda QazUPÝ-niń Jas ǵalymdar keńesiniń músheleri   PhD doktorant, jazýshy – dramatýrg, synshy Baıbol Álibek jáne PhD doktorant, tarıhshy Seıtqazıev Rýslan aqynnyń óleńderi men eńbekterindegi tálim-tárbıeli pálsapalaryna jańa qyrlaryna tereńdep  oı qozǵady.

Sonymen qatar, psıhologııa salasynan «Kemshilikterińizdi jeńýge tyrysyńyz» onlaın semınar ótkizildi. Is-sharany psıholog Myrzabaı Seıilbek júrgizdi. Jastar arasynda kemshiliktiń aldyn alý jolynda profılaktıkalyq sharalardy, negizgi qaǵıdalary jóninde áńgime órbidi.

Atap ótetin jaıt, bundaı sharalar Medeý aýdanynyń Jastar resýrstyq ortalyǵynda jastardyń suranystary boıynsha turaqty túrde ótkizilip turady.

«Aldaǵy ýaqyty aýqymy keń is-sharalar ótkizý josparlanýda. Qalamyzdyń jastaryn elimizdiń qoǵamdyq ómirinde belsendi bolýǵa shaqyramyz jáne ortalyǵymyzdyń esigi jastar úshin árdaıym ashyq ekenin jetkizgimiz keledi», deıdi uıymdastyrýshylar.

Gúlvıra Asqar

"Adyrna" ulttyq portaly

 

Pikirler