الەكسەي تسوي تۇماۋعا قارسى ەكپەنى ءوزى باستاپ سالدىردى

3663
Adyrna.kz Telegram

دەنساۋلىق ساقتاۋ ءمينيسترى الەكسەي تسوي العاشقىلاردىڭ ءبىرى بولىپ رەسەيلىك  «گريپپول+» ۆاكتسيناسىن سالدىردى، دەپ حابارلايدى "ادىرنا" ءتىلشىسى.

ول ۆاكتسينانى نۇر-سۇلتان قالاسى اكىمدىگىنىڭ «№6 قالالىق ەمحاناسى» شجق مكك بارىپ سالدىردى.

 

«جىلدا كۇز كەلگەندە جرۆي مەن تۇماۋ ءورشيدى. 2019-2020 جىلعى ەپيدەميولوگيالىق ماۋسىمدا  جرۆي اۋىرعان 431 120 ادام تىركەلدى، ونىڭ ىشىندە 2 جارىم مىڭنان  استام ناۋقاس زەرتحانادا انىقتالعان تۇماۋعا شالدىققان. ونىڭ 284 033-ءى نەمەسە 61,4 پايىزى 14 جاسقا تولماعان بالالار. بيىل حالىقتى ۆاكتسيناتسيالاۋ اسا قاجەت، ويتكەنى كوروناۆيرۋس پاندەمياسى كەزىندە تۇماۋ دا ءورشۋى مۇمكىن، سول كەزدە ەلدەگى جاعدايدى تۇراقتاندىرۋ قيىن بولادى. سوندىقتان بۇل جولى ەلىمىزدە ۆاكتسيناتسيانى جىلداعىدان ەكى اپتا بۇرىن باستايمىز. قازاقستان قاۋىپسىز، ءتيىستى زەرتحانالىق سىناقتاردان جانە باقىلاۋدان  وتكەن، ساپالى ۆاكتسينا ساتىپ العانىن كورسەتۋ ءۇشىن ءوزىم ءبىرىنشى بولىپ  ەكپە سالدىردىم»، - دەدى ا.تسوي.

 

قازاقستاندا تۇماۋعا قارسى  ەكپە ناۋقانى 15 قىركۇيەك پەن 15 قاراشا ارالىعىندا وتەدى. بىرىڭعاي ديستريبيۋتور حالىقتىڭ 10 پايىزىنان  استامىن تەگىن ۆاكتسيناتسيالاۋ  ءۇشىن رەسەيدە وندىرىلگەن «گريپپول+» ۆاكتسيناسىنىڭ 2 ميلليوننان  استام دوزاسىن ساتىپ العان. ۆاكتسينا قۇرامىندا  تۇماۋدىڭ  ءۇش شتاممى - ا(H3N2), ا(H1N1) جانە ۆ قارسى  انتيگەن بار.

قوعامدىق دەنساۋلىق ساقتاۋ باسقارماسى نۇر-سۇلتان قالاسى اكىمدىگىنىڭ «№6 قالالىق ەمحاناسى» شجق مكك-عا  تۇماۋعا قارسى «گريپپول+» ۆاكتسيناسىنىڭ  7200 دوزاسىن بولگەن.  ەمحاندا  3500 بالا، 3700 ەرەسەك، ونىڭ ىشىندە 468 جۇكتى ايەلدى، ديسپانسەرلىك ەسەپتە تۇرعان 2 582 ادام مەن  65 جاستان اسقان 519 ازاماتتى جانە 350 مەديتسينا قىزمەتكەرىن ۆاكتسيناتسيالاۋ جوسپارلانۋدا.

«گريپپول +»  ۆاكتسيناسى تۇماۋعا قارسى ەرەكشە جوعارى يممۋنيتەت قالىپتاستىرادى.

ۆاكتسينا تەگىن سالدىراتىندار:

 

  • مەكتەپ جاسىنا تولماعان جانە مەكتەپ جاسىنداعى بالالار;
  • مەديتسينا قىزمەتكەرلەرى;
  • جۇكتى ايەلدەر (جۇكتىلىكتىڭ 2-3 تريمەسترى);
  • جابىق مەكەمەلەردەگى ادامدار (بالالار ءۇيى، مەكتەپ-ينتەرناتتار;
  • سوزىلمالى اۋرۋى بار ەرەسەكتەر مەن بالالار;
  • 60 جاستان اسقان قارتتار.

ەلىمىزدە  تۇماۋعا قارسى ۆاكتسيناتسيادان  باس تارتقاندار  تىركەلمەگەن.

"ادىرنا" ۇلتتىق پورتالى

پىكىرلەر