Densaulyq saqtau ministrı Aleksei Soi alǧaşqylardyŋ bırı bolyp reseilık «Grippol+» vaksinasyn saldyrdy, dep habarlaidy "Adyrna" tılşısı.
Ol vaksinany Nūr-Sūltan qalasy äkımdıgınıŋ «№6 qalalyq emhanasy» ŞJQ MKK baryp saldyrdy.
«Jylda küz kelgende JRVİ men tūmau örşidı. 2019-2020 jylǧy epidemiologiialyq mausymda JRVİ auyrǧan 431 120 adam tırkeldı, onyŋ ışınde 2 jarym myŋnan astam nauqas zerthanada anyqtalǧan tūmauǧa şaldyqqan. Onyŋ 284 033-ı nemese 61,4 paiyzy 14 jasqa tolmaǧan balalar. Biyl halyqty vaksinasiialau asa qajet, öitkenı koronavirus pandemiiasy kezınde tūmau da örşuı mümkın, sol kezde eldegı jaǧdaidy tūraqtandyru qiyn bolady. Sondyqtan būl joly elımızde vaksinasiiany jyldaǧydan ekı apta būryn bastaimyz. Qazaqstan qauıpsız, tiıstı zerthanalyq synaqtardan jäne baqylaudan ötken, sapaly vaksina satyp alǧanyn körsetu üşın özım bırınşı bolyp ekpe saldyrdym», - dedı A.Soi.Qazaqstanda tūmauǧa qarsy ekpe nauqany 15 qyrküiek pen 15 qaraşa aralyǧynda ötedı. Bıryŋǧai distribiutor halyqtyŋ 10 paiyzynan astamyn tegın vaksinasiialau üşın Reseide öndırılgen «Grippol+» vaksinasynyŋ 2 millionnan astam dozasyn satyp alǧan. Vaksina qūramynda tūmaudyŋ üş ştammy - A(H3N2), A(H1N1) jäne V qarsy antigen bar. Qoǧamdyq densaulyq saqtau basqarmasy Nūr-Sūltan qalasy äkımdıgınıŋ «№6 qalalyq emhanasy» ŞJQ MKK-ǧa tūmauǧa qarsy «Grippol+» vaksinasynyŋ 7200 dozasyn bölgen. Emhanda 3500 bala, 3700 eresek, onyŋ ışınde 468 jüktı äieldı, dispanserlık esepte tūrǧan 2 582 adam men 65 jastan asqan 519 azamatty jäne 350 medisina qyzmetkerın vaksinasiialau josparlanuda. «Grippol +» vaksinasy tūmauǧa qarsy erekşe joǧary immunitet qalyptastyrady. Vaksina tegın saldyratyndar:
- mektep jasyna tolmaǧan jäne mektep jasyndaǧy balalar;
- medisina qyzmetkerlerı;
- jüktı äielder (jüktılıktıŋ 2-3 trimestrı);
- jabyq mekemelerdegı adamdar (balalar üiı, mektep-internattar;
- sozylmaly auruy bar eresekter men balalar;
- 60 jastan asqan qarttar.
"Adyrna" ūlttyq portaly
