شىمكەنت قالاسىنداعى نازارباەۆ زياتكەرلىك مەكتەبىندە دارىن ورتالىعىنىڭ ۇيىمداستىرۋىمەن ءىس-شارا ءوتتى. وعان شىمكەنت قالاسىنىڭ اكىمىنىڭ ءبىرىنشى ورىنباسارى شىڭعىس مۇقان جانە دارىن ورتالىعىنىڭ ديرەكتورى راۋشان دجەرەنوۆا، حيميا-بيولوگيا باعىتىنداعى نازارباەۆ زياتكەرلىك مەكتەبىنىڭ ديرەكتورى بالقان قاسىموۆ قاتىستى.
شارانىڭ ماقساتى – دارىندى بالالاردى انىقتاۋعا، ىنتالاندىرۋعا، قولداۋعا، تەوريالىق جانە پراكتيكالىق بىلىكتىلىگىن جەتىلدىرۋگە مۇمكىندىك اشۋ.
ءىس-شارا بارىسىندا قالا اكىمىنىڭ ءبىرىنشى ورىنباسارى شىڭعىس مۇقان «دارىن ورتالىعى» كمم-ءنىڭ جۇمىسىمەن تانىسىپ، حالىقارالىق عىلىمي جوبالاردىڭ جانە رەسپۋبليكالىق وليمپيادالار جۇلدەگەرلەرىن ماراپاتتادى.
ولاردىڭ قاتارىندا دارىن ورتالىعىنىڭ ۇيىمداستىرۋىمەن وتكەن ونلاين فورماتتاعى ءىس-شارالاردا ءبىرىنشى ورىن العان 134 وقۋ ورنىنىڭ وقۋشىلارى بار.
سونداي-اق، ءىس-شارا كەزىندە جەتكىنشەكتەر ءوز ونەرلەرىن كورسەتىپ، كونتسەرتتىك ءنومىر ۇيىمداستىردى.
شىمكەنت قالاسى اكىمىنىڭ ءباسپاسوز قىزمەتى
