كەلىنى قايىن اتاسىنىڭ اقشاسىن بانك قوسىمشاسى ارقىلى وزىنە اۋدارىپ العان دەپ حابارلايدى «ادىرنا» ۇلتتىق پورتالى polisia.kz سايتىنا سىلتەمە جاساپ.
تۇركىستان وبلىسىنىڭ پوليتسەيلەرى تۇرعىننىڭ بانكتىك كارتوچكاسىنان اقشا اۋدارىپ العان كۇدىكتىنى ۇستادى. سوزاق اپب-نە جەرگىلىكتى تۇرعىن ارىزدانادى. ەر ادامنىڭ ايتۋىنشا، ونىڭ بانكتىك كارتوچكاسىنان بەلگىسىز ادام 40 مىڭ تەڭگەگە جۋىق اقشاسىن زاڭسىز اۋدارىپ العان. سودان وزىنە تيەسىلى قاراجاتىن كىم العانىن انىقتاپ بەرۋ ءۇشىن پوليتسەيلەرگە شاعىمدانىپ، كومەكتەسۋىن سۇرايدى.
اتالعان جايتتى پوليتسيا قىزمەتكەرلەرى اپب-نە سدتتبت-نە تىركەپ، قر قك-ءنىڭ 188-بابى بويىنشا ەنگىزدى. ورىن العان قىلمىستى اشۋ ماقساتىندا جەدەل-تەرگەۋ توبى شۇعىل ارەكەت ەتتى. قاجەتتى شارالاردى ىسكە اسىردى. ناتيجەسىندە پوليتسەيلەر جابىرلەنۋشىنىڭ بانكتىك كارتوچكاسىنان اقشا جىمقىرعان ءوزىنىڭ كەلىنى ەكەنىن انىقتادى. تەرگەۋ بارىسىندا كەلىنى قايىن اتاسىنىڭ اقشاسىن، ۇيالى تەلەفونداعى بانكتىك قوسىمشا ارقىلى اۋدارىپ العانى بەلگىلى بولدى. قازىرگى تاڭدا پوليتسەيلەر وقيعانىڭ تولىق ءمان-جايىن انىقتاۋدا.
ءوز كەزەگىندە تۇركىستان وبلىسىنىڭ پوليتسەيلەرى ازاماتتارعا ەسكەرتەدى. وزىڭىزگە عانا بەلگىلى بانكتىك كارتىشكەڭىزدى، ەسەپشوتىڭىزدىڭ قۇپيا ساندارىن ەشكىمگە كورسەتپەڭىز، ايتپاڭىز، سەنىم بىلدىرمەڭىز. ۇرى-قارىنىڭ قۇربانى بولماۋ ءۇشىن بارىنشا ساق بولىڭىز. قازىر ءتىپتى تەلەفون ءنومىردىڭ ءوزى الاياقتارعا ۇلكەن مۇمكىندىك بەرەدى. ساق ءارى ساۋاتتى بولىڭىزدار! ەگەر ءسىز وزگەنىڭ مۇلكىن ۇرلاۋدىڭ قۇربانى نەمەسە كۋاگەرى بولساڭىز، تەز ارادا پوليتسياعا “102” تەلەفونى ارقىلى حابارلاسىڭىز.
فوتو اشىق دەرەككوزدەن الىندى.
