مۇعالجار اۋدانى اۋىلدىق وكرۋگى اكىمى بيۋدجەتتەن 11 840 000 تەڭگە جىمقىرعان، دەپ حابارلايدى «ادىرنا» قر قارجى مونيتورينگى كوميتەتىنە سىلتەمە جاساپ.
قر قم قارجى مونيتورينگى كوميتەتىنىڭ اقتوبە وبلىسى بويىنشا ەكونوميكالىق تەرگەۋ دەپارتامەنتى مۇعالجار اۋدانى اۋىلدىق وكرۋگى اكىمىنىڭ الاياقتىق ارەكەتىنىڭ جولىن كەستى.
«اگرارلىق نەسيەلىك كورپوراتسيا» اق اقتوبە قالاسىنداعى فيليالى «قۇلان» باعدارلاماسى بويىنشا شارۋاشىلىق قوجالىعىنىڭ يەسىنە 40 جىلقى ساتىپ الۋ ءۇشىن جالپى سوماسى 11 840 000 تەڭگەنى قۇرايتىن نەسيە بەرگەنى انىقتالدى.
الايدا، بولىنگەن نەسيە شارۋا قوجالىعىنىڭ يەسىنە جەتپەگەن.
اۋىلدىق وكرۋگتىڭ اكىمى جالعان قۇجاتتار مەن تۇبىرتەكتەردى پايدالانىپ، كورسەتىلگەن قاراجاتتى الىپ، ونى ءوز قاجەتتىلىكتەرىنە جۇمساعان.
اتالعان فاكتى بويىنشا سوتقا دەيىنگى تەرگەۋ امالدارى قر قك 190-بابى 4-ب. (اسا ءىرى كولەمدە الاياقتىق) بويىنشا جۇرگىزىلىپ، ونىڭ اياسىندا اۋىلدىق وكرۋگ اكىمىنە «قاماۋعا الۋ» شاراسى قولدانىلدى.
قازىرگى ۋاقىتتا سوتقا دەيىنگى تەرگەۋ اياقتالىپ، قىلمىستىق ءىس سوتقا جولداندى.
«ادىرنا» ۇلتتىق پورتالى
