Mūǧaljar audany auyldyq okrugı äkımı biudjetten 11 840 000 teŋge jymqyrǧan, dep habarlaidy «Adyrna» QR Qarjy monitoringı komitetıne sılteme jasap.
QR QM Qarjy monitoringı komitetınıŋ Aqtöbe oblysy boiynşa Ekonomikalyq tergeu departamentı Mūǧaljar audany auyldyq okrugı äkımınıŋ alaiaqtyq äreketınıŋ jolyn kestı.
«Agrarlyq nesielık korporasiia» AQ Aqtöbe qalasyndaǧy filialy «Qūlan» baǧdarlamasy boiynşa şaruaşylyq qojalyǧynyŋ iesıne 40 jylqy satyp alu üşın jalpy somasy 11 840 000 teŋgenı qūraityn nesie bergenı anyqtaldy.
Alaida, bölıngen nesie şarua qojalyǧynyŋ iesıne jetpegen.
Auyldyq okrugtıŋ äkımı jalǧan qūjattar men tübırtekterdı paidalanyp, körsetılgen qarajatty alyp, ony öz qajettılıkterıne jūmsaǧan.
Atalǧan faktı boiynşa sotqa deiıngı tergeu amaldary QR QK 190-baby 4-b. (asa ırı kölemde alaiaqtyq) boiynşa jürgızılıp, onyŋ aiasynda auyldyq okrug äkımıne «qamauǧa alu» şarasy qoldanyldy.
Qazırgı uaqytta sotqa deiıngı tergeu aiaqtalyp, qylmystyq ıs sotqa joldandy.
«Adyrna» ūlttyq portaly
