بۇل تۋرالى بۇگىن اقپاراتتىق-كوممۋنيكاتسيالىق ورتالىعىندا وتكەن ءباسپاسوز بريفينگىندە شىمكەنت قالاسى ءال-فارابي اۋدانىنىڭ اكىمى ع.ماۋلەنقۇلوۆ مالىمدەدى.
– «ءبىز بىرگەمىز» اكتسياسى اياسىندا از قامتىلعان كوپ بالالى وتباسىلارعا، مۇمكىندىگى شەكتەۋلى بالا قاراۋشىلارعا، تىل ارداگەرلەرى، ۇوس ارداگەرىنە تەڭەستىرىلگەندەر جانە ەڭ تومەنگى زەينەتاقى الۋشى زەينەتكەرلەرگە اۋدان بويىنشا 5000 وتباسىعا 50000 تەڭگەدەن قارجىلاي كومەك بەرىلدى. ال ەكىنشى رەت قارجىلاي كومەك ءى، ءىى توپ مۇمكىندىگى شەكتەۋلى ازاماتتارعا جانە مۇمكىندىگى شەكتەۋلى بالا قاراۋشى 3400 وتباسىعا 50 مىڭ تەڭگەدەن ۇلەستىرىلدى، – دەدى ع.ماۋلەنقۇلوۆ.
سپيكەردىڭ سوزىنە سۇيەنسەك، اۋداندا 7 اي ىشىندە 4135 وتباسى اتاۋلى الەۋمەتتىك كومەك الۋعا ءوتىنىش ءبىلدىرىپ، ونىڭ 3678-ءى مۇقتاج دەپ تانىلعان. ونىڭ ىشىندە 1500-ءى كوپ بالالى وتباسى قاتارىندا.
عابيت پاتشاحانۇلىنىڭ ايتۋىنشا، اۋدان اۋماعىندا الەۋمەتتىك جاعدايى تومەن، از قامتىلعان وتباسىلارعا، جەتىم بالالار ۇيىنە جانە مۇمكىندىگى شەكتەۋلى ازاماتتارعا ارنالعان قايىرىمدىلىق ءىس-شارالارى تۇراقتى تۇردە وتكىزىلىپ تۇرادى. وسى ورايدا اۋدان كاسىپكەرلەرى مەن دەپۋتاتتارىنىڭ دەمەۋشىلىگىمەن 3000-نان استام از قامتىلعان كوپ بالالى وتباسىلارعا، مۇمكىندىگى شەكتەۋلى ازاماتتارعا، مۇمكىندىگى شەكتەۋلى بالا قاراۋشى وتباسىلارعا، جالعىز ىلىكتى قارتتارعا جانە 134 تىل ارداگەرىنە ازىق-تۇلىك ت.ب. كومەك كورسەتىلگەن.
شىمكەنت اقپاراتتىق-كوممۋنيكاتسيالىق ورتالىعى
فوتو – بەرەكە سەيىتجاپپار
