Būl turaly bügın aqparattyq-kommunikasiialyq ortalyǧynda ötken baspasöz brifingınde Şymkent qalasy Äl-Farabi audanynyŋ äkımı Ǧ.Mäulenqūlov mälımdedı.
– «Bız bırgemız» aksiiasy aiasynda az qamtylǧan köp balaly otbasylarǧa, mümkındıgı şekteulı bala qarauşylarǧa, Tyl ardagerlerı, ŪOS ardagerıne teŋestırılgender jäne eŋ tömengı zeinetaqy aluşy zeinetkerlerge audan boiynşa 5000 otbasyǧa 50000 teŋgeden qarjylai kömek berıldı. Al ekınşı ret qarjylai kömek I, II top mümkındıgı şekteulı azamattarǧa jäne mümkındıgı şekteulı bala qarauşy 3400 otbasyǧa 50 myŋ teŋgeden ülestırıldı, – dedı Ǧ.Mäulenqūlov.
Spikerdıŋ sözıne süiensek, audanda 7 ai ışınde 4135 otbasy atauly äleumettık kömek aluǧa ötınış bıldırıp, onyŋ 3678-ı mūqtaj dep tanylǧan. Onyŋ ışınde 1500-ı köp balaly otbasy qatarynda.
Ǧabit Patşahanūlynyŋ aituynşa, audan aumaǧynda äleumettık jaǧdaiy tömen, az qamtylǧan otbasylarǧa, jetım balalar üiıne jäne mümkındıgı şekteulı azamattarǧa arnalǧan qaiyrymdylyq ıs-şaralary tūraqty türde ötkızılıp tūrady. Osy oraida audan käsıpkerlerı men deputattarynyŋ demeuşılıgımen 3000-nan astam az qamtylǧan köp balaly otbasylarǧa, mümkındıgı şekteulı azamattarǧa, mümkındıgı şekteulı bala qarauşy otbasylarǧa, jalǧyz ılıktı qarttarǧa jäne 134 Tyl ardagerıne azyq-tülık t.b. kömek körsetılgen.
Şymkent aqparattyq-kommunikasiialyq ortalyǧy
Foto – Bereke Seiıtjappar
