Şymkent qalasynyŋ qalalyq orta sapasy jäne baqylau basqarmasy 2025 jyldyŋ 11 aiynda qūrylys salasy men tūrǧyn üi qauıpsızdıgın qamtamasyz etu baǧytynda keşendı jäne jüielı jūmystar jürgızdı. Basqarma säulet-qūrylys baqylauyn jüzege asyru, qūrylys nysandarynyŋ qūqyqtyq monitoringı, qūrylys qyzmetı subektılerın lisenziialau jäne mamandardy attestattau, sondai-aq tūrǧyn üi jäne gaz-tehnikalyq inspeksiia baǧyttary boiynşa bırqatar şaralardy ıske asyrdy.
Memlekettık säulet-qūrylys baqylau salasy aiasynda eseptı kezeŋde qūrylys-montajdau jūmystarynyŋ bastalǧany turaly 1909 habarlama tırkeldı. Onyŋ 1309-y basqarma reestrıne engızılıp, 600 habarlama talaptarǧa säikes kelmeuıne bailanysty qabyldanbady. Sonymen qatar, nysandardy paidalanuǧa qabyldau aktılerın qarau boiynşa 1721 ötınış tüsıp, onyŋ 642-sı maqūldandy, al 1079 ötınışke bas tartu berıldı.
Lisenziialau jäne attestattau baǧytynda 479 ötınış qaraldy. Nätijesınde 40 lisenziia berılıp, 181 lisenziia qaita räsımdeldı. 61 ötınış boiynşa bas tartu qabyldanyp, 197 ötınış kerı qaitaryldy. Būdan bölek, qaŋtar–qyrküiek ailary aralyǧynda qūrylys salasynda sarapşylyq jäne injiniringtık qyzmetterdı jüzege asyru üşın 196 mamanǧa attestat berıldı.
Qūrylys salasyndaǧy qūqyqbūzuşylyqtardyŋ aldyn alu maqsatynda 178 qūrylys obektısı boiynşa 422 äkımşılık hattama toltyryldy. Salynǧan aiyppūldyŋ jalpy somasy 102,3 mln teŋgenı qūrap, onyŋ 80,5 mln teŋgesı öndırıldı. Zaŋsyz qūrylys faktılerı boiynşa 125 nysanǧa qatysty 369 hattama toltyrylyp, 70,7 mln teŋge kölemınde aiyppūl salyndy. Sonymen qatar, qūrylys sapasyna, ülestık qatysu zaŋnamasynyŋ talaptaryn būzuǧa jäne audandar boiynşa anyqtalǧan qūqyqbūzuşylyqtarǧa bailanysty tiıstı äkımşılık şaralar qoldanyldy.
Qala aumaǧyndaǧy qūrylys-montajdau jūmystaryna jürgızılgen monitoring nätijesınde 185 nysan anyqtalyp, onyŋ 102-sınıŋ tiıstı rūqsat qūjattarynsyz salynǧany belgılı boldy. Atalǧan nysandardyŋ 41-ı boiynşa şara qoldanylyp, qalǧandaryna qatysty tekseru jūmystary jalǧasuda. Sonymen qatar, 25 qūrylys nysany boiynşa sotqa talap aryz joldanyp, onyŋ 11-ı qanaǧattandyryldy.
Sot şeşımderıne säikes zaŋsyz salynǧan bırqatar qūrylys nysandary būzyldy. Atap aitqanda, Äl-Farabi, Abai jäne Eŋbekşı audandarynda ornalasqan nysandar boiynşa sot şeşımderı tolyq kölemde oryndaldy.
Tūrǧyn üi jäne gaz-tehnikalyq inspeksiia salasynda gaz qauıpsızdıgın saqtau maqsatynda keŋ kölemdı tüsındıru jäne aldyn alu jūmystary jürgızıldı. 2025 jyly 90 ügıt-nasihat ıs-şarasy ūiymdastyrylyp, tūrǧyndarǧa 190 myŋ dana aqparattyq jadynama taratyldy. Gaz tūtynu qauıpsızdıgı talaptaryn būzǧany üşın 103 jeke tūlǧa men 18 zaŋdy tūlǧa äkımşılık jauapkerşılıkke tartyldy. Qala aumaǧyndaǧy 190 myŋ tūrǧyn üige tekseru jürgızılıp, 2835 aqau anyqtaldy.
Tūrǧyn üi inspeksiiasy baǧyty boiynşa qalada 2595 köpqabatty tūrǧyn üi esepke alynǧan. Onyŋ ışınde 138 mülık ielerı bırlestıgı jäne 374 tıkelei bırlesıp basqaru nysany qūrylǧan. Qazırgı uaqytta tūrǧyndarǧa tūrǧyn üi zaŋnamasynyŋ talaptaryn tüsındıru jūmystary tūraqty türde jürgızılude.
Lift şaruaşylyǧyn jaŋartu jäne qauıpsızdıgın qamtamasyz etu şeŋberınde qala aumaǧyndaǧy 1370 lift tūraqty baqylauda. 2025 jyly jergılıktı biudjet esebınen 27 liftını auystyru josparlanyp, tiıstı jūmystar bastaldy. «Aikömek 109» bıryŋǧai bailanys ortalyǧy arqyly lift jūmysyna qatysty 743 ötınış tırkelıp, olardyŋ basym bölıgı jedel türde şeşımın tapty.
Jalpy alǧanda, Şymkent qalasynyŋ qalalyq orta sapasy jäne baqylau basqarmasy 2025 jyldyŋ 11 aiynda qaladaǧy qūrylys, tūrǧyn üi jäne injenerlık infraqūrylym qauıpsızdıgın qamtamasyz etu baǧytynda keşendı ärı jüielı jūmystar atqardy.
