Şymkentte Respublika künıne orai 100 metrlık tu tūǧyryna Memlekettık tudy köteru räsımı öttı. Saltanatty ıs-şaraǧa qala äkımı Ǧabit Syzdyqbekov, qala tūrǧyndary men qoǧam ökılderı jäne jastar qatysty.
Saltanatty räsım memlekettık rämızderge degen qūrmettıŋ körınısıne ainalyp, el tarihyndaǧy egemendıktıŋ maŋyzyn taǧy bır ret aişyqtady. Memlekettık tu – Qazaqstannyŋ täuelsızdıgınıŋ, halyqtyŋ bırlıgınıŋ jäne memleket bolaşaǧy üşın ortaq jauapkerşılıktıŋ simvoly.
Biyl Qazaq elınıŋ memlekettık egemendıgı turaly Deklarasiianyŋ qabyldanǧanyna 36 jyl tolyp otyr. 1990 jylǧy 25 qazanda qabyldanǧan būl tarihi qūjat el täuelsızdıgıne bastar joldaǧy maŋyzdy kezeŋge ainalyp, Qazaqstan memlekettılıgınıŋ qalyptasuyna negız qalady.
Bügınde Respublika künı azamattardy ortaq qūndylyqtar, tarihqa qūrmet jäne Otannyŋ örkendeuıne degen ūmtylys töŋıregınde bırıktıredı. Būl mereke el bırlıgı men qoǧamdyq kelısımdı saqtaudyŋ, sondai-aq, memlekettıŋ damuyna är azamattyŋ üles qosuynyŋ maŋyzyn eske salady.
