Şymkentte Qazaqstan Respublikasynyŋ 16 jeltoqsan – Täuelsızdık künı merekesı men Qazaqstan halqy Assambleiasynyŋ 30 jyldyǧyna orai qalalyq Dostyq üiınde «Qara şaŋyraq» qolöner jäne halyqtyq öner körmesı öttı.
Alǧaş ret assambleia alaŋynda ūiymdastyrylǧan ıs-şaraǧa 20-dan astam astam qolöner şeberı qatysyp, öz tuyndylaryn köpşılık nazaryna ūsyndy.
Qazaq halqynyŋ dästürlı qolönerın nasihattau, ūlttyq mädeni mūrany saqtap, damytu arqyly ony jas buyn arasynda därıpteudı maqsat tūtqan ıs-şaraǧa qalalyq QHA hatşylyǧynyŋ meŋgeruşısı Aigül Amzeeva, qalalyq QHA janyndaǧy Aqsaqaldar keŋesınıŋ müşesı Dosybai Şerımqūlov, qalalyq etnomädeni bırlestıkterdıŋ töraǧalary men belsendılerı jäne qala tūrǧyndary qatysty.
Körmenı tamaşalauǧa kelgen qonaqtar aldynda söz söilegen qalalyq QHA hatşylyǧynyŋ meŋgeruşısı ıs-şaranyŋ maŋyzdylyǧyna toqtalyp, qazaq halqynyŋ qolönerın därıpteu, tanytu baǧytynda jergılıktı etnos ökılderı de atsalysyp kele jatqanyn aitty.
– Memleket basşysy Qasym-Jomart Toqaev Ūlttyq qūryltaida «Ūlttyq mädenietımızdı, salt-dästürımızdı, sonyŋ ışınde qolönerdı jaŋǧyrtu – ūlttyŋ özındık bolmysyn saqtaudyŋ basty joly», – dedı. Bügınde ūlttyq qolönerımız qaita jaŋǧyryp, sän industriiasy, turizm, interer dizainy syndy türlı salalarda keŋ qoldanylyp keledı. Jas şeberler dästürlı täsılderdı zamanaui tehnologiialarmen ūştastyryp, jaŋa baǧyttardy qalyptastyruda. Qazaq qolönerı halyqaralyq körmelerde joǧary baǧalanyp jür, – Aigül Tūrsynbekqyzy.
Ūlttyq qolönerdı därıptegen igı ıs-şaraǧa atsalysqan qolöner şeberlerıne arnaiy alǧys hattar men estelık kädesyilar tabystalyp, körme soŋy şara konserttık baǧdarlamamen jalǧasty.
