شىمكەنتتە قازاقستان رەسپۋبليكاسىنىڭ 16 جەلتوقسان – تاۋەلسىزدىك كۇنى مەرەكەسى مەن قازاقستان حالقى اسسامبلەياسىنىڭ 30 جىلدىعىنا وراي قالالىق دوستىق ۇيىندە «قارا شاڭىراق» قولونەر جانە حالىقتىق ونەر كورمەسى ءوتتى.
العاش رەت اسسامبلەيا الاڭىندا ۇيىمداستىرىلعان ءىس-شاراعا 20-دان استام استام قولونەر شەبەرى قاتىسىپ، ءوز تۋىندىلارىن كوپشىلىك نازارىنا ۇسىندى.
قازاق حالقىنىڭ ءداستۇرلى قولونەرىن ناسيحاتتاۋ، ۇلتتىق مادەني مۇرانى ساقتاپ، دامىتۋ ارقىلى ونى جاس بۋىن اراسىندا دارىپتەۋدى ماقسات تۇتقان ءىس-شاراعا قالالىق قحا حاتشىلىعىنىڭ مەڭگەرۋشىسى ايگۇل امزەەۆا، قالالىق قحا جانىنداعى اقساقالدار كەڭەسىنىڭ مۇشەسى دوسىباي شەرىمقۇلوۆ، قالالىق ەتنومادەني بىرلەستىكتەردىڭ توراعالارى مەن بەلسەندىلەرى جانە قالا تۇرعىندارى قاتىستى.
كورمەنى تاماشالاۋعا كەلگەن قوناقتار الدىندا ءسوز سويلەگەن قالالىق قحا حاتشىلىعىنىڭ مەڭگەرۋشىسى ءىس-شارانىڭ ماڭىزدىلىعىنا توقتالىپ، قازاق حالقىنىڭ قولونەرىن دارىپتەۋ، تانىتۋ باعىتىندا جەرگىلىكتى ەتنوس وكىلدەرى دە اتسالىسىپ كەلە جاتقانىن ايتتى.
– مەملەكەت باسشىسى قاسىم-جومارت توقاەۆ ۇلتتىق قۇرىلتايدا «ۇلتتىق مادەنيەتىمىزدى، سالت-ءداستۇرىمىزدى، سونىڭ ىشىندە قولونەردى جاڭعىرتۋ – ۇلتتىڭ وزىندىك بولمىسىن ساقتاۋدىڭ باستى جولى»، – دەدى. بۇگىندە ۇلتتىق قولونەرىمىز قايتا جاڭعىرىپ، ءسان يندۋسترياسى، تۋريزم، ينتەرەر ديزاينى سىندى ءتۇرلى سالالاردا كەڭ قولدانىلىپ كەلەدى. جاس شەبەرلەر ءداستۇرلى تاسىلدەردى زاماناۋي تەحنولوگيالارمەن ۇشتاستىرىپ، جاڭا باعىتتاردى قالىپتاستىرۋدا. قازاق قولونەرى حالىقارالىق كورمەلەردە جوعارى باعالانىپ ءجۇر، – ايگۇل تۇرسىنبەكقىزى.
ۇلتتىق قولونەردى دارىپتەگەن يگى ءىس-شاراعا اتسالىسقان قولونەر شەبەرلەرىنە ارنايى العىس حاتتار مەن ەستەلىك كادەسىيلار تابىستالىپ، كورمە سوڭى شارا كونتسەرتتىك باعدارلامامەن جالعاستى.
"ناعىز تاربيە" - شىمكەنتتىك وقۋشى اناسى تۇسكى اسقا دەپ بەرگەن اقشاعا ماكارون الىپ، تۇركياعا جونەلتتى
