Şymkentte bılım beru resurstaryn tiımdı paidalanu, qarjylyq tärtıptı jetıldıru jäne sifrlyq baqylau tetıkterın damytu mäselelerı talqylandy.
15 qazanda bastalǧan öŋıraralyq täjıribelık seminar-keŋes qosymşa bılım beruge arnalǧan bıryŋǧai memlekettık tapsyrysty ıske asyru täjıribesın taratuǧa arnaldy. Jiyn Qazaqstan Respublikasy Oqu-aǧartu ministrlıgınıŋ bastamasymen ūiymdastyryldy.
Seminarǧa ortalyq memlekettık organdardyŋ, «Qazaqtelekom» AQ men «Qarjy ortalyǧy» AQ-nyŋ ökılderı, elımızdıŋ 11 öŋırınen äkım orynbasarlary, sondai-aq bılım beru, ekonomika, sifrlandyru, sport jäne mädeniet salalarynyŋ basşylary men mamandary qatysty. Kezdesude biudjet qarajatyn ūtymdy paidalanu, bılım beru qyzmetterınıŋ qoljetımdılıgın arttyru jäne memlekettık tapsyrysty baqylau mäselelerı qaraldy.
Şymkent qalasy äkımınıŋ orynbasary Särsen Qūranbek bılım beru jüiesın damytuda qolda bar resurstardy tiımdı basqarudyŋ maŋyzyna toqtaldy. Onyŋ aituynşa, salanyŋ tūraqty damuy üşın qarjylandyru kölemımen qatar, qarajattyŋ maqsatty jūmsaluy men basqaruşylyq şeşımderdıŋ nätijelılıgıne de basymdyq berıluı kerek.
– Bılım beru jüiesın damytuda eŋ aldymen qolda bar mümkındıkterdı dūrys baǧalap, resurstardy naqty qajettılıkke qarai baǧyttau maŋyzdy. Būl rette qarjylyq tärtıptı küşeitıp qana qoimai, josparlau men baqylau jūmystaryn jetıldıru qajet. Ärbır basqaruşylyq şeşım naqty nätijege negızdelıp, balalardyŋ sapaly ärı qoljetımdı bılım aluyna yqpal etuı tiıs, – dedı Särsen Abaiūly.
Qalada bılım beru salasyn jetıldırudıŋ negızgı baǧyttarynyŋ bırı – resurstar tapşylyǧy jaǧdaiynda qoldanystaǧy infraqūrylymnyŋ mümkındıgın barynşa tiımdı paidalanu. Būl rette bılım beru ūiymdarynyŋ qajettılıkterın jüielı baǧalau, qarjylandyrudy josparlau jäne bölıngen qarajattyŋ nätijesın baqylau özektı bolyp otyr. Nysanaly indikatorlarǧa qol jetkızu üşın atqarylǧan jūmystyŋ kölemın ǧana emes, onyŋ sapalyq körsetkışterın de eskeru qajet.
Seminar barysynda sifrlyq baqylau qūraldaryn engızu mäselesı de keŋınen söz boldy. Şymkent qalasynda qosymşa bılım beruge arnalǧan bıryŋǧai memlekettık tapsyrystyŋ pilottyq jobasy aiasynda balalar turaly qaitalanatyn jazbalardy joiu, qyzmet körsetılgenın rastau jäne qarjylandyrudy naqty qyzmet aluşymen bailanystyru tetıkterı engızılgen. Sonymen qatar, memlekettık mektepterdıŋ bos quattaryn paidalanu arqyly balalardy qosymşa bılımmen qamtudy keŋeitu joldary qarastyryldy.
