Şymkentte bolǧan dauyl 11 balasy bar jalǧyzbasty ananyŋ üiın qiratyp kettı (VİDEO)

Toǧyz balasy men ekı nemeresı bar Gauhar Äbdıraiymova «Aqjar» yqşamaudanyndaǧy uaqytşa kışkentai üidı jaldap tūrady. Qatty jauǧan jaŋbyr men soqqan dauyl onyŋ jalǧyz üiın şaiyp kettı. Üidıŋ qabyrǧalary dauyl soqqysyna tötep bere almai opyrylyp tüstı, dep habarlaidy "Adyrna" ūlttyq portaly. Jeke üide bes bölme bar, onyŋ üşeuı qiraǧan, deidı äiel. Gauhardyŋ aituynşa, ol mūndai üide tūruǧa qorqady, qalǧan bölmelerı de qirap otbasy müşelerın maiyp qyla ma, dep uaiymdaidy.

«Bes kün boiy qatty jaŋbyr jaudy, keşe tüngı saǧat ekıler şamasynda üiımızdıŋ şatyry opyrylyp tüstı, üidı jylytatyn otyn bar edı, qazır jaramsyz, üi deuge kelmeitın qabyrǧalar ǧana qaldy. Sondai-aq bärı su astynda qaldy. Sosyn taǧy ekı bölmenıŋ şatyry qūlady, menıŋ uaqytşa üiım qyş kırpışten tūrǧyzylǧandyqtan, qatty jaŋbyrǧa şydai almady», - dedı äiel. Gauhardyŋ aituynşa, qazır "üi" deuge kelmeitın jerdıŋ esıgı de jabylmaidy. Üi salqyn, otbasy peştıŋ jyluymen jylynuy kerek. Üş bala qazırdıŋ özınde suyqtan auyryp jatyr. Äieldıŋ özı küieuımen ajyrasqan, jūmys ıstemeidı. Otbasy AÄK jäne köp balaly otbasy järdemaqysymen tūrady. Olardyŋ barar jerı joq, tuystary da kömektespei jatyr, deidı jäbırlenuşı.

«Ülken qyzym da küieuımen ajyrasqan, ekı balasy bar, olar öte kışkentai, sondyqtan jūmys ıstemeidı. Balalaryma qaraityndyqtan jūmys ıstei almaimyn. Bır jyl būryn küieuımmen ajyrasqanmyn, onyŋ tuystary da, özımnıŋ tuystarym da bızge kömektespedı. Äkımdık te kömektespedı, demeuşıler bolsa kömektesemız dedı. Menıŋ üiıme gaz qūbyrlary tartylǧan, mamandar qūbyrlaryn jöndep, ketıp qaldy. Bıraq bızdıŋ üi sol küiınde jylusyz qaldy»,- dep tüiındedı sözın Gauhar Äbdıraiymova. https://youtu.be/jbOQSxb9B3I

"Adyrna" ūlttyq portaly