Shymkent qalasynda jantúrshigerlik oqıǵa oryn aldy. Aýyr júk kóligi joldan ótip bara jatqan jetkinshek qyzdy taptap ótken. Qapııada kóliktiń astyna túsken qyz qazir eseńgiregen kúıde jansaqtaý bóliminde jatyr, dep habarlaıdy "Adyrna" ulttyq portaly.
Qolda bar málimetter boıynsha, oqys jol-kólik oqıǵasy 10 naýryzda Shymkent qalasy, Qazıev kóshesinde bolǵan. Júk kóliginiń astyna túsken jan - 12 jasar oqýshy qyz. Shymkent qalalyq Densaýlyq saqtaý basqarmasy málimetinshe, Qudaı ońdap, jetkinshek aman qalǵan. Degenmen boıyndaǵy kóptegen aýyr dene jaraqattarymen emhanaǵa jetkizilgen, dep habarlaıdy otyrar.tv.
Dárigerler aýyr júk kóliginiń astyna túsken naýqastyń jaǵdaıyna qatysty málimdeme jasady. Oqýshynyń mıy shaıqalyp, bas súıegi zaqymdanǵan. Sonymen qatar, oǵan eki jilinshek súıektiń, ıyqtyń ishki synyǵy syndy jáne taǵy basqa dıagnozdar qoıyldy.
Beınebaqylaý kadrlary sana-cezimińizge aýyr áser etýi múmkin ekenin eskertemiz!
- Jaǵdaıy óte aýyr, turaqsyz, eseńgiregen kúıde, - deıdi dárigerler.
Joldan ótemin dep aýyr jaraqat alǵan jetkinshek mamandardyń jiti baqylaýynda bolady.
"Adyrna" ulttyq portaly
