Abai oblysynda demalystan äskeri bölımge bara jatqan sarbaz ben onyŋ ata-anasy jol apatynan qaza tapty. Būl turaly Qazaqstan Qūrlyq äskerlerınıŋ baspasöz qyzmetı aitty, dep habarlaidy Adyrna» tılşısı.
Qaiǧyly oqiǧa 28 mausym künı Abai oblysy, Aiagöz qalasynyŋ maŋynda, Öskemen — Almaty tasjolynda bolǧan.
«Qūrlyq äskerlerınıŋ qolbasşylyǧy 2025 jylǧy 28 mausymda Aiagöz garnizonyndaǧy äskeri bölımderdıŋ bırınıŋ merzımdı äskeri qyzmetkerı jäne ony seiıldemeden äskeri bölımge alyp bara jatqan ata-anasy jol apaty saldarynan qaza tapqanyn zor küizelıspen jetkızedı», - delıngen habarlamada.
Abai oblysy polisiia departamentınıŋ mälımetınşe, jol apatynan tört adam köz jūmǧan.
«Aldyn ala mälımet boiynşa, Toyota Lumiere kölıgınıŋ 62 jastaǧy jürgızuşısı qarsy baǧytqa şyǧyp ketıp, qarsy kele jatqan Toyota Land Cruiser avtokölıgımen soqtyǧysqan. Jol-kölık oqiǧasy saldarynan Toyota Lumiere jürgızuşısı men üş jolauşysy oqiǧa ornynda köz jūmdy. Atalǧan faktı boiynşa sotqa deiıngı tergeu bastaldy. Qajettı tergeu äreketterı jürgızılıp jatyr, sot-medisinalyq saraptamalar taǧaiyndaldy»,—dep tolyqtyrdy PD baspasöz qyzmetı.
Qūrlyq äskerlerınıŋ qolbasşylyǧy qaza tapqandardyŋ tuystary men jaqyndaryna qaiǧyra köŋıl aityp, tiıstı kömek körsetıletının jetkızdı.
