شىمكەنت قالاسىندا مەملەكەتتىك-جەكەشەلىك ارىپتەستىك اياسىندا ينجەنەرلىك-ينفراقۇرىلىم جۇيەلەرىن سالۋ، قىزمەتتەر مەن جۇمىس ساپاسىن ارتتىرۋ مەن بيۋدجەت جۇكتەمەسىن تومەندەتۋ ماقساتىندا بيىل 30 جوبا ىسكە اسىرىلىپ جاتىر.
بۇل جونىندە قر پرەزيدەنتى قاسىم-جومارت توقاەۆپەن كەزدەسۋ بارىسىندا قالا اكىمى مۇرات ايتەنوۆ باياندادى.
بيىل شىمكەنتتە مەملەكەتتىك-جەكەشەلىك ارىپتەستىك ارقىلى 34 ملرد.تەڭگە كولەمىندە ينۆەستيتسيا تارتىلىپ، 30 جوبا ىسكە اسىرىلىپ جاتىر ەكەن. اتاپ ايتقاندا، ءبىلىم بەرۋ – 2 جوبا، دەنساۋلىق ساقتاۋ – 6 جوبا، سپورت – 4 جوبا، اباتتاندىرۋ – 15 جوبا، توتەنشە جاعداي – 1 جوبا، اۋىل شارۋاشىلىعى – 1 جوبا، باسقا دا سالا بويىنشا ءبىر جوبا اتقارىلىپ جاتىر.
سونىمەن قاتار، 54 ملرد.تەڭگەنى قۇرايتىن 8 جوبانى ىسكە اسىرۋ جوسپارلانۋدا. ونىڭ ىشىندە ينجەنەرلىك-ينفراقۇرىلىم – 4 جوبا، كولىك ينفراقۇرىلىمى – 2 جوبا، سپورت – 1 جوبا، دەنساۋلىق – 1 جوبا.
شاھار باسشىسى ناتيجەسىندە جەكە ينۆەستيتسيا تارتۋ ارقىلى 59,9 ملرد.تەڭگەگە بيۋدجەت جۇكتەمەسى تومەندەتىلەتىنىن مالىمدەدى.
شىمكەنت قالاسى اكىمىنىڭ ءباسپاسوز قىزمەتى
