اقتوبە فك قازاقستاننىڭ پرەمەر ليگاسىنا شىقتى

3252
Adyrna.kz Telegram

وزدەرىڭىزگە بەلگىلى، اقتوبە فك قازاقستاننىڭ پرەمەر ليگاسىنا شىقتى. بۇل قۋانىشتى جاڭالىق! وسى ناتيجەگە قول جەتكىزۋ ءۇشىن ءبىراز تەر توگىلگەن بولاتىن. قازىرگى تاڭدا قۇراماداعى ويىنشىلاردىڭ باسىم بولىگى ءوزىمىزدىڭ جەرگىلىكتى اقتوبەلىك فۋتبولشىلار ەكەنىن اتاپ ايتقىمىز كەلەدى. وسى ەلدىڭ ازاماتى رەتىندە بۇل يگى ءۇردىستى جالعاستىرۋدى مىندەتىم دەپ سانايمىن. ول ءۇشىن وبلىستىق بالالار مەن جاسوسپىرىمدەر مەكتەبىن بيىل جاڭادان دايارلاپ، جاڭا گازون توسەلىپ جانە فۋتبولعا كەرەك زاتتار دا الىندى.

ايماق باسشىسى رەتىندە كلۋب ەكونوميكالىق قيىندىققا تاپ بولعاندا قارجى داعدارىسىنان شىعارىپ، بايىرعى دەڭگەيىنە جەتكىزۋ ءۇشىن كوپ كۇش جۇمسادىق. جانكۇيەرلەردىڭ ورتاق ۇيىنە اينالعان "ورتالىق ستاديوندى" كلۋبتىڭ سەنىمگەرلىك باسقارۋىنا بەردىك. بۇل ءوز كەزەگىندە ويىنشىلاردىڭ الاڭسىز تىڭعىلىقتى جاتتىعۋىنا ۇلكەن سەپ بەردى.
سونىمەن قاتار، وسى جىلى فۋتزالدان شاعىن كوماندامىز قازاقستان كۋبوگىنەن كۇمىس مەدال يەلەنگەن بولاتىن. ەندى، جەرلەستەرىمىز كەلەسى جىلى چەمپيوندار ليگاسىندا جاقسى ويىن كورسەتەدى دەگەن نيەتتەمىز.
قۇرمەتتى جانكۇيەرلەر!
الداعى ۋاقىتتا سۇيىكتى كوماندامىز ەل ىشىندە جانە حالىقارالىق دەڭگەيدە كوپتەن كۇتكەن ءۇمىتىمىزدى اقتايدى دەپ سەنەمىن!

اقتوبە وبلىسىنىڭ اكىمى،

وڭداسىن ورازالين

پىكىرلەر