قر پرەمەر-ءمينيسترىنىڭ ورىنباسارى ەرالى توعجانوۆ باستاعان ۇكىمەت دەلەگاتسياسى جۇمىس ساپارىمەن اقتوبە وبلىسىندا بولدى

2246
Adyrna.kz Telegram

28-قازان كۇنى اقتوبە وڭىرىنە ءىس- ساپارمەن كەلگەن ۆيتسە-پرەمەر ەرالى توعجانوۆ، قر دەنساۋلىق ساقتاۋ ۆيتسە-ءمينيسترى ەرلان قياسوۆ، قر ەڭبەك جانە الەۋمەتتىك قورعاۋ ۆيتسە-ءمينيسترى سەرىك شاپكەنوۆكە اقتوبە وبلىسىنىڭ اكىمى وڭداسىن ورازالين مەملەكەتتىك باعدارالامالار اياسىندا اتقارىلعان جۇمىستاردى جانە سovid-19 ينفەكتسياسىنىڭ ءورشۋى تۋىنداعان جاعدايدا قابىلدانعان شارالاردى تانىستىردى. ۆيتسە-پرەمەر باستاعان دەلەگاتسيا ەلىمىز بويىنشا رەنتگەن اپپاراتىن شىعارۋمەن اينالىساتىن جالعىز كاسىپورىن “اقتوبە رەنتگەن" اق دا بولدى. مۇندا جىلىنا 122 تسيفرلىق ستاتسيونارلىق جانە موبيلدىك رەنتگەن اپپاراتى شىعارىلادى. قر نارىعىنىڭ 74%، ەۋرازيالىق ەكونوميكالىق ايماق ەلدەرىنىڭ 25 %، وزگە ەلدەردىڭ 1% قامتاماسىز ەتەدى. كاسىپورىن قىسقا مەرزىم ىشىندە اقتوبە، تۇركىستان، الماتى، پاۆلودار، جامبىل، بقو، قوستاناي وبلىستارىنىڭ مەديتسينا مەكەمەلەرى ءۇشىن «اردياگنوست-6» ردك-ءنىڭ 48 تسيفرلىق رەنتگەن اپپاراتىن شىعارعان.

ەرالى توعجانوۆ سونداي-اق، 100 ورىنعا ارنالعان پروۆيزورلىق ستاتسيوناردى ارالادى. № 2 وبلىستىق بالالار اۋرۋحاناسى جانىنان اشىلعان ورتالىققا جاساندى اۋا بەرەتىن 50 اپپارات جەتكىزىلىپ، مەديتسينالىق قورعانىش زاتتارمەن قامتىلعان. اقتوبەدە ءبىر اۋىسىمدا 120 ادامدى قابىلداۋعا قاۋقارلى كونسۋلتاتسيا-دياگنوستيكالىق ورتالىعى بار، 190 ورىندىق پەريناتالدى ورتالىق بوي كوتەرۋدە. 245 جەرگىلىكتى ازامات جۇمىسپەن قامتىلعان مەديتسينالىق مەكەمەنىڭ قۇرىلىسىنا 15 ملرد تگ قارالعان. 2021 جىلدىڭ شىلدە ايىندا پايدالانۋعا بەرىلمەك. ۇكىمەت دەلەگاتسياسى نىسان قۇرىلىسىمەن تانىستى. پرەمەر-ءمينيستردىڭ ورىنباسارى ءدارى-دارمەك ءوندىرۋشى "تك فارم اقتوبە" جشس فارماتسەۆتيكالىق زاۋىتىندا بولدى. 2013 جىلى ىسكە قوسىلعان كاسىپورىندا 20 ءتۇرلى ءدارى دارمەك وندىرىلەدى. جىلىنا 6 ملن ءدارى، 75 توننا سۇيىق ءدارى مەن 12 توننا ەكستراكتى وندىرىلەدى. فارماتسەۆتيكالىق زاۋىت وبلىس اكىمىنىڭ قولداۋىمەن 2020 جىلدان باستاپ مەديتسينالىق بەتپەردەلەر مەن انتيسەپتيك شىعارۋدى قولعا الدى. ايىنا 1,5 ملن ءبىر رەتتىك ەكى، ءۇش قاباتتى بەتپەردەلەر شىعارىلادى. بۇدان سوڭ «اقتوبە مەديتسينالىق ورتالىعىندا» بولعان ەرالى توعجانوۆ مەكەمەنىڭ ءدارى-دارمەك قورلارى مەن مەديتسينالىق جابدىقتارىن قارادى. مۇندا سانيتارلىق-ەپيدەميولوگيالىق احۋالعا بايلانىستى جيىن ءوتتى. وبلىس اكىمىنىڭ ءبىرىنشى ورىنباسارى نۇرجاۋعان قالاۋوۆ ەپيدەميالوگيالىق جاعدايدىڭ تۇراقتىلىعىن اتاپ ءوتتى. ۆيتسە- پرەمەر جەتى اۋداننىڭ باس دارىگەرلەرىنە جەدەل-جاردەم اۆتوكولىكتەرىنىڭ كىلتىن تابىستادى. جەدەل-جاردەم كولىگى جۇرەك-وكپە رەانيماتسياسىنا قاجەتتى تىنىس الۋ قاپشىعى سىندى مەديتسينالىق قۇرالدارمەن قامتاماسىز ەتىلگەن. وبلىس اكىمى وڭداسىن ورازالين «جۇمىسپەن قامتۋدىڭ جول كارتاسى» اياسىندا ىسكە اسىرىلعان جوبالاردى تانىستىردى. مەملەكەتتىك باعدارلاما بويىنشا بيىل № 21 مەكتەپ-گيمنازياسى كۇردەلى جوندەۋدەن ءوتتى. قالا اكىمى «جقجك-2020» باعدارلاماسى اياسىندا ىسكە اسىرىلىپ جاتقان اقتوبەدەگى جول كولىك ينفروقۇرىلىمىنىڭ دامۋى بويىنشا اقپارات بەردى. قالا اۋماعىنداعى جانە قالاعا قاراستى ەلدىمەكەندەردىڭ اۆتوموبيل جولدارىن جوندەۋ جۇمىستارىنا رەسپۋبليكالىق بيۋدجەتتەن 13,9 ملرد تگ قاراجات بولىنگەن. 135,3 كم اۆتوموبيل جولدارىنىڭ ورتاشا جانە كۇردەلى جوندەۋگە 11,337 ملرد قارالعان. جالپى ۇزىندىعى 5,3 كم بولاتىن ارىنوۆ،ساڭكىباي باتىر، «ماڭگىلىك ەل» كوشەلەرىن قايتا قالىپقا كەلتىرۋ جۇمىستارى جۇرگىزىلۋدە. ول ءۇشىن بيۋدجەتتەن 2,133 ملرد تگ بولىنگەن. بيىل جالپى وبلىس ورتالىعىندا 110 كوشەگە كۇردەلى جانە ورتا جوندەۋ جۇرگىزىلەتىن بولادى.. جۇمىس ساپارىن قورىتىندىلاعان پرەمەر-ءمينيستردىڭ ورىنباسارى ەرالى توعجانوۆ ۆيرۋستىق ىندەتتىڭ الدىن-الۋعا بايلانىستى اتقارىلعان جۇمىستارعا وڭ باعاسىن بەرىپ، وبلىس اكىمى وڭداسىن ورازالينگە مەملەكەتتىك باعدارلاما اياسىنداعى جوبالاردىڭ ۋاقىتىلى ءارى ساپالى اياقتالۋىن قامتاماسىز ەتۋدى تاپسىردى.

پىكىرلەر